減肥大晒？︳嫌餸菜肥膩用水沖惹男友媽不滿 港女捱批反問：點解唔體諒吓減肥嘅人？︳拆解大餐後變肥迷思

減肥是不少女士的「終生事業」，但以下舉動又是否合理？一名正在減肥的港女在網上發帖，指自己近日上男友家食飯，惟未來奶奶卻煮了很多肥膩的餸菜；於是，她將所有餸菜先用水沖一遍才吃，而且不吃雞皮及燒肉皮。未來奶奶見狀後十分不滿，憤而表示：「咁難為你，你以後咪唔好勉強上嚟食啦！」對此，事主認為只是小事一樁，表示：「都唔知佢阿媽做咩跳掣……使唔使咁大反應呀！」

同場加映：

4個動作速效瘦大腿 做15分鐘超燃脂=掃地1小時

{{hket:ul-video id="4909"}}{{/hket:ul-video}}

「點解上咗年紀嘅人咁唔體諒人？」該名港女上周五（17日）在「香港討論區」以「我都係想食飯食得清淡啲，但佢阿媽叫我以後唔好上嚟食飯」為題發帖，指近日展開減肥計劃，因此想吃得清淡些、少鹽少油。惟日前上男友家吃飯時，未來奶奶卻「煮咗好多肥膩嘢」，包括鳳爪排骨、炸子雞、燒肉、煎魚，「連啲菜睇落去都好多油。」

她自言自己並非首次上男友家食飯，「同佢阿媽都算有兩句嘅」。由於「唔好意思一啖都唔食」，她遂叫男友給她一碗水，好讓她將食物先沖一次水才放入口；而且，雞及燒肉亦不食皮。未料，此舉卻惹來未來奶奶不滿，

「佢阿媽就唔滿意咁問我點解要咁樣做，我答佢因為我最近減肥想食清淡啲。點知佢阿媽就問我點解唔早啲出聲，仲話我咁樣好大嘥唔食皮，拎啲嘢食去過水好似話緊佢煮嘢唔好食咁。」

事主對此感到冤枉，男友於是幫口替她解釋，但仍未止住未來奶奶的怒火，

「佢阿媽繼續發火，問我係咪做小動作去暗示畀佢個仔知，佢做阿媽唔識照顧屋企人飲食，之後就講咗句：『我哋啲老嘢煮嘢係咁豐富啦，如果咁難為你，你以後咪唔好勉強上嚟食啦！去返啲西餐食沙律啦！』」

對此，事主認為只是小事一樁，對於未來奶奶如此大動肝火感到不解及無奈；雖然男友勸她氹回媽媽修補關係，但她卻不情願，

「勁小事囉，都唔知佢阿媽做咩跳掣。我家陣又唔係唔食你啲嘢，使唔使咁大反應呀！我喺屋企咁樣做我爸媽都未冇出聲啦！男朋友叫我遲啲買返盒嘢去氹返佢老人家就無事喎！但係我唔想囉。」

此事引來網民熱議，不少人認為事主沒有禮貌、不懂尊重人、不懂人情細故；若然是想減肥，可先與未來奶奶溝通，而且「一餐半餐」亦應不會防礙其減肥大計：

（↓點擊圖片放大↓）

對於訴苦不成反捱批，事主表示：

「點解你哋唔體諒吓減肥嘅人？一餐半餐係唔會立即肥返，難得我哋可以忍到口唔食呀嘛！」

營養師拆解體重變化3大迷思

澳洲註冊營養師Jim Lau早前在其Facebook專頁發文表示，不少人趁放假大吃特吃，翌日發現體重上升就十分擔心，遂向他求救。對於很多人經常詢問「點解噚日食咗嘢之後，第二日會重」，他解釋睡覺是不能令體內食物突然消失，早上磅數有轉變，有機會是身體未完全消化食物，或者未完全使用食物能量；只要跟從餐單及做運動，很快會回復正常，

「單日體重變化未必反映脂肪變化，反而係反映碳水化合物、水分和肌肉量的變化。」

（↓點擊圖片放大↓）

Beautiful Life︳中午放題夜晚火鍋憂翌日變肥？ 營養師拆解體重變化3大迷思，詳情即睇：【下一頁】

「大餐+運動」可打破減肥停滯期

台灣減重醫生蕭捷健早前在其Facebook專頁發文分享，利用大餐配合適合的運動，反而有助打破減肥停滯期，避免增磅。但他提醒要注意4大事項，才能有效執行此方法，達至理想效果：

（↓點擊圖片放大↓）

Beautiful Life︳冬天常打邊爐吃自助餐易增肥？ 醫生教「大餐+運動」4招打破減肥停滯期，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

責任編輯：李凱晴