名模Rosemary冬至誕下第二胎 王力宏拒認做女友廿年後「平反」

2016年Rosemary與印加籍男友Jason結婚，2018年誕下囝囝，今年8月份喺IG宣布懷有第二胎的喜訊，今日更宣布冬至已誕下健康bb！相中Rosemary將bb抱喺懷中，母愛滿溢，老公更錫錫慰勞產後元氣大傷嘅老婆，非常溫馨！

同場加映： 《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

{{hket:inline-image name="269835036_127497623064281_5750449970730520430_n.jpg"}}{{/hket:inline-image}}

不過就算唔係有生B呢件喜事，Rosemary近日都被受關注，因為佢同近期嘅新聞人物王力宏有過一段「關係」。2001年Rosemary嘅母親Julie，向傳媒透露王力宏追求佢20歲囡囡，並指對方追求佢兩個月。Rosemary亦大方認愛，更大讚對方為人浪漫，聖誕節期間帶佢去沙灘漫步又彈琴、唱歌畀佢聽，十足十愛情小說橋段。當年傳媒問Rosemary王力宏有冇對自己講「I Love You」時，佢就只以甜笑回應。媽媽Julie大讚王力宏有才華又乖仔，同女兒都係「鬼鬼哋」十分登對，最後仲叫傳媒畀多啲空間呢對小情侶發展。

點知報道出街後王力宏透過公司表示佢同Rosemary只見過三次面，往後亦只用email溝通，根本未到拍拖階段。對於被影到同Rosemary家人飯聚，兩人攬頭攬頸手拖手，王力宏則解釋指因為當晚玩得癲。隨後王力宏公司再表示佢會繼續留喺美國專心做音樂，冇可能會拍拖，以後都唔會再同Rosemary聯絡，更表示以後會帶眼識人。

Rosemary媽媽知道王力宏回應後幫女兒出頭，表示可能因為對方嘅經理人畀壓力。不過聽到王力宏說不再與女兒聯絡時，Rosemary媽就嬲嬲哋：「唔聯絡咪算囉，我個女又唔係冇人要，況且佢哋感情唔深，佢咁講咪等啲男仔有番希望。」當時王力宏嘅「優質偶像」形象非常好，所以輿論都係偏向話Rosemary「黐金糠」造新聞。

不過近日李靚蕾爆前夫王力宏黑歷史，王力宏往日的健康形象被一鋪清袋。李靚蕾更曾經講過王力宏有力控制輿論，令人不禁諗到要重新審視呢單拍拖「羅生門」。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】