劇集《愛回家之開心速遞》昨日在冬至舉行大型宣傳活動，由於本月27日是劇中龔燁（張景淳飾）和熊若水（呂慧儀飾）、送水輝（許家傑飾）和大小姐（林淑敏飾）兩對熒幕情侶大婚的大日子，他們現場即場向傳媒和工作人員派囍帖，氣氛高漲，並呼籲觀眾們齊齊在27日收看兩個大婚。監製林建祥接受《晴報》訪問，他預告兩大婚禮製作認真，已經準備好有驚喜給觀眾。
同場加映：《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」
愛回家丨張景淳打卡講明自己開工冇遲到 與粉絲做義工落手落腳做清潔【下一頁】
監製透露兩場婚禮筵開差不多6至70席，不少演員都有參與其中，「有啲事發生令兩個婚禮拉埋一齊，大家要留意一下，難得我哋套劇有咁大場面，處境劇都好認真製作呀！拍咗好幾日，總知到時會有意想不到嘅驚喜，估我哋唔到嘅，（周嘉洛劇透好多離開劇組的演員都會參加？）今次係一件開心事，以往有啲單元想保持神秘，不過今次係想與眾同樂，同大家多互動，好似請大家嚟飲咁，所以出席到嘅都會出席。」
兩對新人將會步入婚姻，問到再進一步會否安排他們懷孕生下一代？監製表示：「生BB喺製作同拍攝上有困難，不過其實新婚夫婦都有好多事發生，係一啲好貼地嘅事，大家留意啦，陸續出現。」祥哥直言感激「龔水」、「蓮輝」粉絲們的支持，大家都睇得好投入。至於近日有傳張景淳和林淑敏因遲到被高層曾勵珍「照肺」，監製表示只是小問題，傳言不需要想太多，《愛回家》劇組開工氣氛一直都好好。
《愛回家》熊家龍家兩大婚禮舉行在即 龔水爆婚期 蓮輝感激觀眾證成長【下一頁】
林淑敏與許家傑接受訪問，淑敏稱大婚是拍攝該劇以來最大壓力的一集，她說：「因為我哋冇乜結婚經驗，因為我結婚只是行教堂沒有做儀式，好多習俗都唔知道，點樣上頭、斟茶都唔識，要即場學。」家傑則透露二人出外景拍攝婚紗相時，收到很多街坊熱情祝賀。淑敏更自爆借的婚紗都是低胸，但自己上圍不夠豐滿，故花了不少時間試身。
提到「遲到王」的傳聞，家傑即表示要為拍檔護航：「我以人格擔保，佢一定冇遲到，仲要係一位敬業樂業嘅好演員。」淑敏則表示清者自清，她說：「始終係第三者把口，亦控制唔到人講咩，我都有問監製係咪我有問題，佢聽到都好茫然，但感受到啲拍檔好好，同我打氣。」同樣被傳是「遲到王」的張景淳稱平日只是太靜，就算到達片場，大家都不以為意，他表示沒有向高層珍姐曾勵珍解釋，「在我心目中珍姐係絕對嘅，佢係為成個製作好所以先開聲，套劇能夠拍到1500集，可能大家唔夠集中或者可能會鬆散，如果要將來有多幾千集，一直要好有紀律先做到，呢層我明白。」
提到今次大婚，「龔水」表示劇情將會橫跨4集，著觀眾多多支持，張景淳：「自己暫時冇機會結婚，亦唔知有冇機會，所以今次係人生一個經歷，成個結婚過程好真實，自己都感動到眼濕濕。」對於粉絲們不滿「龔水」跌出「最受歡迎電視拍檔」五強，景淳說：「唔可以話失望，反而係一種推動力，來年做得更好。」而呂慧儀說：「開劇時做拍檔都冇諗過要拎咩獎，最重要享受過程，劇集表現到最好一面。（粉絲唔開心？）佢哋著緊我哋，佢哋係會唔開心，無辦法，咪解釋畀佢哋知獎項有限，公司人才好多。最重要好多人睇到應援廣告知我哋大婚，知佢哋做幾多嘢去愛護我哋，我哋就拍多啲，發放正面訊息畀大家。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉