達明一派演唱會︳鍾楚紅風雨不改例撐老友開騷 與黃耀明拍《金燕子》結緣逾30年

頭場《達明一派REPLAY LIVE 2021》昨晚於灣仔伊館舉行，鍾楚紅（紅姑）及何韻詩到場支持，達明一派重新演繹《我等著你回來》、《你還愛我嗎》兩隻大碟的作品。開場時大熒幕顯示巨大的二維碼，大會廣播呼籲歌迷們要掃描「安心飛行」換取登機證，「航機」將離開新香港回到1987年嘅美好香港。演唱會甫開場，黃耀明、劉以達一身機師打扮上陣，以《今夜星光燦爛》揭開序幕。

同場加映：《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

唱出《那個下午我在舊居燒信》之前，明哥透露本來配合此歌有一段回憶短片，但最後回億消失了，雖然電視熒幕漆黑一片，但歌迷們紛紛開著手機燈以示支持，唱畢歌曲，明哥答謝大家並說：「日子真係比想像中黑暗，多謝你哋點起燈，你哋每一個要成為照亮世界嘅燈。新香港嘅常態都係最後一分鐘改變，大家同我一樣要用高智慧去面對，最緊要保護自己同夥伴。黑暗世代要活得靈巧像蛇、馴良像鴿子。」阿達即笑說：「畀人打咗左面一巴，唔好畀佢打埋另一面，要有智慧處理一啲評論、冷靜尋求快樂，快樂先有力量面對風雨。」獲得全場歌迷報以熱烈掌聲。

{{hket:inline-image name="09e873f5-1eb0-42cd-80d5-251727d2c13f.jpg"}}{{/hket:inline-image}}

隨後現場播出林夕、周耀輝、潘源良及黃偉文幾位填詞人的打氣片段，明哥唱出《同黨》及《沒有張揚的命案》後，分享自己看完書籍《平庸之惡》的感受，「惡嘅泛濫未必需要多少壞人，往往只需要幾個魅力四射嘅瘋子和無數不假思索嘅人。」緊接演繹《禁色》一曲，指自己1988年於《民主歌聲獻中華》同樣唱此曲，再藉此為同性戀者發聲，「首歌係寫被禁止嘅愛，當年如果有公法就會引起社會混亂。今日再唱嘅時候，發現五光十色嘅選舉，問啲議員，有部分人對於同性戀、跨性別都係反對，所以同志仍需努力，革命尚未成功。」

非常有緣嘅係，鍾楚紅（紅姑）同黃耀明正正就係喺1987年相識，佢哋睇落好似「大纜都扯唔埋」，其實二人因為合作過拍攝電影《金燕子》而開展呢段逾30年嘅友誼。紅姑非常有心，風雨不改撐老友，去年差唔多時間都有捧場，而3年前達明一派喺紅館開騷，紅姑都係座上客。

不過唔同範疇發展嘅佢哋其實都曾經斷交，去到2012年二人到北京出席一個首飾品牌先再重聚。紅姑當時大爆明哥一些瘀事，她說：「記得當年拍戲，由於好多組戲嘅關係，差不多24小時都要準備，我們攰到隨時隨地都可以瞓著。我哋相依為命，互相照顧。當年明哥好驚青，有次去台灣做宣傳，場面好壯觀，佢暱喺我身後，我企佢前面……好似保護佢咁樣！」

撰文：黃蘊姿