J.Arie（雷深如）早前接受由蝦頭楊詩敏和連詩雅（Shiga）主持的網台節目《絲打圍爐》，大談性話題「如何降伏大食男友？」，Shiga「純純兔」上身，指大食的意思，第一時間會聯想到食自助餐，J.Arie聽到只附上一個尷尬笑的表情，然後再說：「大食男，即係性需求好大！」蝦頭問Shiga有沒有遇過大食男？Shiga說：「都有，我好想知道大食嘅定義係咩先？每分每刻每秒？」J.Arie說：「今日講大食男，我想轉一轉個設定，點解一定係男仔係大食？點解唔可以係女仔大食？因為我嘅狀況，我未遇過一個男仔係大食過我。」
同場加映：青春本我丨張馳豪潘靜文成熒幕CP互爆缺點 犧牲學業愛情整裝自己追趕步伐
J.Arie轉做獨立歌手後，曾經推出歌曲《陰陽道具》MV，由於以性作為題材，MV在YouTube需要設置年齡限制。J.Arie在節目無所不談，提到大食的定義，她說：「對我嚟講，係隨傳隨到，每分每刻、每個地方、每個時段都可以。」蝦頭笑問：「即係有個尿break，去個殘厠都可以？」J.Arie極速點頭說：「都可以㗎！我試過有一次，可能嗰個男朋友，喺嗰方面好夾，但佢都有開工開到好夜嘅時候，我自己就算幾夜都好，我唔會攰㗎！你可以隨時嗌醒我都得，但佢又覺得好攰，然後佢就瞓著咗，我就會發脾氣，我話『唔可以，你一定要完成咗先可以瞓覺。』J.Arie坦言試過在熱戀期間與男友一晚7次，她笑說：「女仔係無限復活。」Shiga即問：「但都會攰，或者會痛㗎嘛！」J.Arie問她是否需要看中醫調理身體，搞到Shiga臉都紅埋！
絲打圍爐│練美娟爆約「小三」攤牌被大番轉頭 前男友騙財騙色留有戀愛陰影【下一頁】
她們繼續深入探討，J.Arie指自己能夠接受性伴，Shiga說：「我都聽過朋友話有性伴，另一個講法係炮友。」蝦頭立即讚Shiga：「嘩，你好專家呀，我真係唔識，通常都係講話係朋友，OK我哋照聽吖！」Shiga繼續說：「我係試過對方需求大過我而差啲分手，因為我係嗰啲我要瞓覺就唔好搞我，我係會浪漫行先，希望另一半陪我去沙灘睇星星。」Shiga直認沒有性生活都可以，蝦頭認真問：「其實你英文名係咪叫Maria呢？」Shiga解釋兩者要平衡，如要二揀一，她寧願選擇浪漫愛。
絲打圍爐│鄭融與蝦頭超開放談「洋腸」話題 網友斥：連詩雅港女長期有偶包【下一頁】
對於蝦頭而言，愛一個人，性的表達是很重要，她透露曾與一個男朋友拍拖10個月，但從來都沒有性生活，她說：「我對自我價值突然受到質疑，佢會叫我去佢屋企過夜，有一晚我都覺得係時候要進一步，攬、錫、摸一定有，咁我就主動爬到佢上面，除咗件外套，準備再除埋件背心嘅時候，佢突然之間好似有宗教信仰一樣，佢話『我哋未結婚就……』，又唔係講到咁直白，但個感覺係要stop我，嘩，呢個打擊簡直係……嗰刻我就覺得你唔愛我。」J.Arie和Shiga即問：「係咪因為佢係處男？對方20幾歲？」蝦頭解釋對方年紀很大，最後兩人也因為這個原因而分手收場，笑言至今仍留下心理陰影。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】