噪音滋擾 ︳每日遭樓上行路踢櫃聲轟炸 公屋港女嘆屢勸不改：唔想返屋企

不少人都因為鄰居噪音問題而不得安眠，一名港女發文苦訴，指最近搬入公屋與未婚夫同住，樓上兩母子每日都發出類似行路聲，甚至踢櫃、墮物噪音，令她無法安眠，雖曾三度上門勸籲，對方卻否認發出噪音，令事主非常無助，形容噪音已嚴重影響生活，甚至令她產生焦慮感，不欲回家。

同場加映：

Sick問識答︳姿勢不良易致椎間盤突出 3個不良習慣令症狀加劇

{{hket:ul-video id="4918"}}{{/hket:ul-video}}

凌晨煮食 ︳公屋戶凌晨煮咖喱被鄰居投訴，管理處貼通告勸阻︰影響入睡，詳情即睇：【下一頁】

一名女網民上周二（14日）在Facebook群組「樓上噪音苦主大聯盟」中發帖，表示自己即將結婚，遂搬入未婚夫公屋同住，惟她指樓上兩母子單位經常傳來類似腳步聲，她曾3度上樓勸籲鄰居，對方卻聲言自己「好安靜」。

受噪音影響致「心痛」

事主指鄰居兒子約小五，形容「睇佢個樣又唔似會狂跳」，平日當他上學後，只剩其母獨自在家，仍會聽到類似有人行路的聲音。由於單位是鋪地磚，兩母子自稱從不穿拖鞋，懷疑因此令噪音由樓上傳到其住所。

事主形容自己每日早上7時就被噪音嚇醒，令她產生焦慮感，

「我試過去我樓上呢個單位隔籬個單位聽，又唔似，啲聲亦都唔似係我隔籬單位傳出，9成係樓上呢個單位。其實佢仲有踢櫃聲、拉枱凳聲、跌嘢聲，但呢啲我都可以接受，但全日嘅腳步聲真係頂唔順，今日覺得個心痛，好驚自己要睇精神科。」

鄰居否認發出噪音

事主指自己天生對聲音較敏感，平日有戴耳塞的習慣，但只能阻隔7成噪音，未婚夫則接受能力較高，「唔在意就聽唔到，瞓到隻豬咁」。由於擔心影響對方情緒，故不敢向未婚夫訴苦，於是自行上樓跟鄰居理論，但她指在第三次上去時，對方顯得不耐煩，更明言聲音不是由他們發出，又指自己「唔係肥」、「唔著拖鞋行都唔會有聲」，著事主向管理處求助。

長期受噪音滋擾，事主因此情緒低落，甚至不欲做家務和煮飯，嚴重影響生活，

「我日日喺度諗辦法改變自己，我成日聽啲打鼓音樂、打坐，有啲用，但係都係好辛苦。我已經不停諗方法幫自己，我日日聽啲打鼓音樂，我直程想去學打鼓，等自己適應啲嘈嘅環境；佢嗰仔7點幾起身，我就早過佢起身。」

欲向管理處求助 

由於目前失業，她因為噪音問題每天都不想回家，經常去公園坐，甚至曾因此搬回娘家。她目前打算向管理處求助，但擔心影響鄰里關係，若非到最壞情況也不想「用聲音還拖」，並為此詢問網民意見：

「我都唔知我可以忍幾耐，辛苦工作賺錢，整到屋企舒舒服服，點知咁，邊有咁多錢搬？我就嚟精神崩潰，請畀啲意見。」

網民：買兩對軟底拖鞋送畀佢

不少網民看到帖文後，均對事主的處境深表同情，批評鄰居經勸籲後「行為照舊」，認為事主應直接採取行動「反擊」，有人則認為可為對方送上軟底拖鞋，盼能改善噪音問題。

↓ 點 擊 圖 片 放 大 ↓

噪音滋擾 ︳樓上噪音不斷細路由朝跳到晚，鄰居：父母懶理投訴指玩緊，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀