《全民造星IV》｜Jer柳應廷爆喊淘汰學員呻比賽唔公平 「唔忍心見到你哋因制度離開舞台...」

《全民造星IV》昨日（16日）一集播出最後一組的表演，該組由柳應廷（Jer）做導師，成員包括Alice（許寶恆）、阿Gao（沈貞巧）、夏子涓、方方（方芷欣）和阿蛋（黃詠霖），不過此組表演在5組中得最低分，最後子涓、方方及阿蛋被淘汰。Jer及其他4位導師包括楊樂文（Lokman）、江𤒹生（Anson Kong）、肥仔（梁業）和阿Dee（何啟華）都對該組獲最低分感到驚訝，其中Jer更哭成淚人，大呻：「我覺得唔公平囉！」

{{hket:inline-image name="jer.png"}}{{/hket:inline-image}}

{{hket:inline-image name="jer8.png"}}{{/hket:inline-image}}

{{hket:inline-image name="jer14.png"}}{{/hket:inline-image}}

同場加映：十月初五的月光｜50歲康華渴望再當上女主角 「一定要保持住呢個heart」

{{hket:ul-video id="4852"}}{{/hket:ul-video}}

在決定淘汰哪5位成員時，5位導師神色凝重，Lokman更表示：「原來當你去到呢個時刻，真係唔能夠好抽離、好中立去睇任何嘢。」而在Lokman旁邊的Jer哭到雙眼通紅，坐在一角落默不作聲。

花姐（黃慧君）對Jer說：「阿Jer，我知你好唔想揀，唔想畀意見，但你都要畀意見。」沉默良久的Jer終於開口：「我覺得唔公平囉！」花姐則表示：「比賽從來唔公平，你嗰陣時（全民造星）參賽好公平咩？你第一回合畀人淘汰咗啦！公平咩？」最後經過評判及導師們商議，被淘汰的成員包括方方、子涓、阿蛋、馬欣（馬彩欣）和Kinki（盧芷韻）。

Jer在清晨5時在社交網撰長文，講述今次當導師的感受。「致各位追夢的朋友：今次造星，又令我諗番起初初參賽嘅自己。每個人都純真地追夢，就算自己幾咁唔擅長嘅項目，係表演背後都會用盡汗水練到得為止，大概呢個就係呢幾年嘅我吧。雖然比賽會有好多人落敗離場，但節目就是節目，好多時評判都非常主觀，所以我一直都不喜歡將藝術用嚟比賽……」

{{hket:inline-image name="90.jpeg"}}{{/hket:inline-image}}

他續說：「今集出街之後，又見到自己再喺節目度喊到冇哂眼耳口鼻……ok, Fine! 我係無形象嘅！但其實今季主角係佢哋，我寧願唔好剪咁多我……將佢哋嘅練習/對話放多啲出嚟畀觀眾睇到佢哋嘅性格……」

{{hket:inline-image name="jer31.png"}}{{/hket:inline-image}}

Jer又解釋自己在節目哭成淚人的原因，「今次傷心嘅原因，係唔忍心見到咁努力嘅你哋因為制度而要離開舞台……甚至有機會要放棄夢想……見住你哋一開始對首歌係R哂頭，去到揀完歌後，每一個都有番屋企做功課搵資料，出到嚟開會嗰陣係嚇親我，（咩……貪念有分5種，而佢哋每人都可以代表一種，詳細講咗咩我已經唔係好記得喇……）個延伸閱讀超乎咗我想象，得一個星期，要做呢個表演狀態出嚟一啲都唔容易，你哋每一個都做得好好了……成個表演喺我同排舞師心目中已經100分了！」

他亦對表演有所感悟，又多謝排舞師。「而勞苦功高……一定係排舞師 @maximilianfu。成個畫面，所做嘅野都係佢一手一腳諗出黎，非常多謝佢，教到佢哋砌到咁靚畫面之餘，仲教好多表演以外嘅精神，同埋我都比較麻煩，唔識跳舞，但成日好多要求，你都有聽我講嘢……thank you so much!今次個表演有好多巧合，表演開頭個經文，係佢哋揀；第二日睇番group，原來係大悲咒……咁啱同我狂人mv，伯伯所抄嘅經文係一樣，同我自己作品想講嘅野又好似！癲！」

{{hket:inline-image name="jer5.png"}}{{/hket:inline-image}}

最後他亦勉勵各位參賽者，「最後長氣一句……贏咗嘅你哋，要尊重每個表演……每次都做得好好！輸咗嘅你哋，唔好畀節目打低……夢想係人最最最需要的東西，應承我要繼續追夢呀！」

{{hket:inline-image name="jer30.png"}}{{/hket:inline-image}}

事隔半個月｜Jer柳應廷@MIRROR與女友互相Unfollow 曾認「鬧交」疑箍煲唔成5年情玩完【下一頁】

撰文：林惠珊

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】