陳偉霆疑與何穗半裸親熱照曝光 印上T恤發售粉絲嬲爆投訴

現年36歲的陳偉霆 (William) 於今年8月，被爆撻着32歲內地失婚超模何穗，何穗被影到多次出入男方寓所，有指早兩人已過住同居嘅甜蜜生活。有粉絲翻查William社交平台搵愛的證據，William疑似兩人嘅半裸親熱圖印於其品牌T恤上作公開發售，猜測兩人早於去年初已搭上，愛得癡纏。

同場加映：  十月初五的月光｜ 姚嘉妮恨見「萬朱莎華」陳曼娜 擔心角色太衰 擬去泰國避風頭

{{hket:ul-video id="4873"}}{{/hket:ul-video}}

{{hket:inline-image name="108233037_4036312709772928_6204051887577730643_n.jpg"}}{{/hket:inline-image}}

去年4月William創辦嘅時裝潮牌推出全新系列廣告，喺14秒嘅短片中出現一對疑似赤裸上身嘅男女纏綿接吻圖。雖然畫面只得短短2秒，加上花碌碌嘅變色圖令到該對男女容貌難以辦認，但係兩個嘅髮型、身形以及輪廓都似足William同何穗。圖中男生抱住半裸女生擁吻，親熱動作惹人遐想。呢幅圖更「私器公用」印喺品牌T恤公開發售，William仲曾經做生招牌親自着上身影相。不過William此舉令到唔少粉絲呷醋，甚至有人寫投訴信去客戶服務電郵，要求交代T恤上嘅男女是咪William同何穗本人。

身為偶像派嘅William一直唔肯認愛，相信係要顧及粉絲嘅感受，唔想佢哋幻想破滅；又有指佢想保護何穗，以免佢被一啲較激進嘅粉絲網絡欺凌。不過有消息指二人感情穩定兼見晒雙方家長，睇嚟二人打風都打唔甩。

撰文：黃蘊姿