張衞健曾落閘拒絕再扮馬騮仔 56歲自打嘴巴再做跳唱孫悟空

現年56歲嘅張衞健（Dicky）同吳鎮宇、吳建豪與楊宗緯等藝人參與內地綜藝節目《追光吧！》第二季，日前播出嘅一集Dicky以經典角色孫悟空造型表演，唔少觀眾都大讚佢「寶刀未老」，依然係咁跳脫活潑，勾起集體回憶。1996年Dicky喺電視劇《西遊記》中演孫悟空紅到發紫，2002年再拍《齊天大聖孫悟空》，美猴王角色深入民心，但其實佢曾經講過唔會再扮馬騮仔。

同場加映：十月初五的月光｜ 姚嘉妮恨見「萬朱莎華」陳曼娜 擔心角色太衰 擬去泰國避風頭

{{hket:ul-video id="4873"}}{{/hket:ul-video}}

{{hket:inline-image name="1000.png"}}{{/hket:inline-image}}

Dicky喺日前同韓宇表演雙人舞，以演唱《高高在下》（《齊天大聖孫悟空》主題曲）成為焦點。以孫悟空look登場嘅佢，又唱又rap仲大跳locking，加入戲劇元素，令表演層次更豐富。Dicky依舊將古靈精怪，將百厭嘅孫悟空特質詮釋得淋漓盡致，完全唔似50有6。內地網民都勁buy，留言大讚佢係天生演員，睇到好感動，「無可取代的齊天大聖」，雖然表現有口皆碑，但Dicky隊伍最終嘅排名都係包尾，隊中嘅那吾克熱被淘汰。

Dicky主演嘅《西遊記》當年hit爆，創下多項收視記錄，亦帶挈四大主角人氣急升。但其實「齊天大聖」嘅身份曾經令Dicky「困擾」，佢喺2014年嘅內地節目《我是演說家》透露當年爆紅之後，曾經被一位香港製作人「睇死」，對方調侃說︰「你不要以為你演完孫悟空之後在香港很紅，我告訴你，你在中國內地的知名度是零；送你一句話吧，記住，你的臉上沒毛呢，你是不值錢的。」Dicky話聽完之後就決定唔再黐毛，甚至連頭都剃光埋證明自己。

最後Dicky都冇令人失望，離開香港後拍咗《少年英雄方世玉》以及《小寶與康熙》兩齣大熱劇集，喺內地同台灣的知名度大大提升，相信「冇毛唔值錢」呢個講法都唔會再困擾佢嘞！

撰文：黃蘊姿