張栢芝二仔溫柔講多謝融化媽媽 11歲Quintus比Lucas更「謝霆鋒」

現年41歲嘅張栢芝一向喺社交平台上非常活躍，時常分享自己同三名兒子嘅生活點滴。日前栢芝再次分享自己嘅煮食日常，拍低佢整嘢食過程同埋囝囝用餐時嘅反應，放上IG限時動態，睇見二仔Quintus食早餐時嘅enjoy樣，真係睇見都流口水呀！

同場加映：十月初五的月光｜50歲康華渴望再當上女主角 「一定要保持住呢個heart」

{{hket:ul-video id="4852"}}{{/hket:ul-video}}

{{hket:inline-image name="unnamed.jpg"}}{{/hket:inline-image}}

栢芝天都未光，凌晨五點鐘就喺廚房為囝囝準備早餐，除咗有佢秘製嘅湯底煮通粉之外，仲有好花時間整嘅滷水蛋，栢芝話Quintus好鍾意食。平日栢芝工作已經好忙碌，除咗出席活動仲要打理自家時裝品牌，不過佢依然堅持為幾個仔下廚，留言話︰「我係非常重視，必定要食早餐，不管多早起身都要煮畀佢哋，因為發育期間返學要有力量！」真係一個好媽媽。

栢芝做嘅呢一切有人欣賞就非常值得，現年11歲嘅Quintus仲未變聲，片中佢用溫柔嘅聲線講咗句「媽咪，thank you！」仲一邊食一邊話好味，真係聽到都覺得冧！栢芝都留言話：「我的心融化了，佢食咗隻蛋講咗一句說話『is actually really good』。」對一個媽媽嚟講，有乜嘢比呢個嘉許更重要！Quintus同哥哥Lucas一樣成日戴住headphone，對鏡頭時cool cool哋咁，但同媽媽講嘢時又會展露靦腆笑容，同初出道嘅謝霆鋒好似倒模咁！以往大家都係話Lucas最似爸爸霆鋒，不過睇嚟大大吓Quintus更有霆鋒當年顏值最高峰時嘅味道。

{{hket:inline-image name="101.JPG"}}{{/hket:inline-image}}

今日栢芝再post一條Quintus影住佢揸車嘅短片，話好感動阿仔「永遠好感恩每一件事情」，Quintus喺片中不停表達自己好愛媽媽，「Love my mum.She always wake me up go to school early in the morning.Let the aunties rest and she always on time, I love my mum.（我愛我媽媽，佢成日都好早就叫我起身再送我返學，畀姨姨休息，仲永遠都咁準時，我愛媽媽）。」栢芝之前講過已經青春期嘅大仔Lucas會嫌佢講嘢大聲，睇嚟細仔除咗比哥哥更加「謝霆鋒」之外，仲比哥哥更加暖心，大個一定溝死女呀！

撰文：黃蘊姿