人氣男團MIRROR自從在今年拍攝ViuTV真人騷《調教你MIRROR》期間，發覺彼此間存在著不少問題，當他們進一步認識後，建立了一份深厚的情誼和默契。成軍三年，12子想起了甚麼難忘回憶？在未來的日子裡，他們想有甚麼新嘗試呢？《晴報》邀請了隊長Lokman（楊樂文）、副隊長Anson Kong（江𤒹生，AK）、Anson Lo（盧瀚霆）、Jer（柳應廷）和Tiger（邱傲然）跟讀者分享箇中感受！
同場加映：MIRROR半塊鏡開騷│Jer爆女友捧場但未修補關係 受訪時好兄弟肉緊幫手箍煲
Lokman指MIRROR在成軍一周年時，推出歌曲《Reflection》，當時特意飛到台灣拍攝MV。提到台灣之行，Lokman印象特別深刻，他說︰「嗰次去台灣拍MV，最難忘就係收工之後大家一齊打邊爐，原來大家都好食得！尤其大家都好鍾意食肥牛，每次都係一盤、一盤咁倒落個鍋……嗰次大家真係玩得好開心，因為難得12個隊員聚埋一齊，仲要去外地大吃大喝。」Lokman表示最希望與團中最年輕的Tiger（22歲）合作拍戲，續說︰「無論電影定劇集，我都好想同佢喺熒幕入面做兄弟，我覺得會幾好玩。（想拍咩類型嘅戲？）咩都得呀！拍打戲嘅話，就可以對打，又或者我哋去打人都得。」
Anson Kong與Anson Lo@MIRROR 為陳慧琳MV伴舞 鏡粉開心發現：件事好勵志【下一頁】
AK指最難忘的事就是在《調教你MIRROR》被梁祖堯調教，因為MIRROR成軍以來，外界一直認為他們不夠團結，所以AK十分珍惜大家一起入camp相處的時光，他說：「最難忘係我哋12個坐埋一齊食飯，雖然望落係好平常嘅事，但以往走埋一齊都未必可以同枱食飯，所以好有感覺。」AK望與Ian（陳卓賢）到美國、加拿大享受公路旅行，他解釋：「我同Ian由參賽嗰時已經有呢個約定，呢個係我哋之間嘅to-do list。我都想同12位成員一齊去旅行，希望疫情快啲過，可以快啲實現夢想。」
Mirror登《紐約時報》│姜濤Alton謙言唔敢認成功衝出亞洲 阿Dee最怕粉絲跟埋去廁所聞到...【下一頁】
Anson Lo亦表示12子真真正正認識對方，就是拍攝《調教你MIRROR》的時候，他說：「我哋12個攬住一齊喊……呢個情景真係最難忘，成件事好同步、好齊心。呢個節目可以講係徹底改變我哋呢三年嘅相處方式，以往彼此嘅誤會都化解咗，一切重新開始。」雖然Anson Lo和Edan（呂爵安）這對「大叔CP」非常熟稔，但原來Anson Lo更想與Lokman（楊樂文）、Tiger（邱傲然）去旅行，他解釋︰「工作上比較少同佢兩個合作，我諗佢哋都鍾意去陽光與海灘嘅地方，我最想去馬爾代夫！」
廣告酬勞飆升｜MIRROR成員傳出騷身價高達50萬 AK：希望報道講嘅係真【下一頁】
Jer直認最難忘是MIRROR成軍後，在九展舉行的第一次演唱會《2018 The First MIRROR Live Concert》，他說︰「以前仲係以觀眾心態去睇騷，估唔到有一日調轉身份，自己企喺台上表演畀觀眾睇！當時咩都唔識……所有聚焦、燈光都集中喺自己身上，感覺好神奇。」他最希望與隊中的饒舌能手Lokman及Alton（王智德）合作，「Lokman好有型，佢喺《虎道門》嘅表演好好睇！真係好想有機會同佢合作，一齊喺live show玩吓，我都好期待可以同佢合組『港普CP』（港式普通話），哈哈！」
MIRROR晒童年照賀成軍3周年 隊長Lokman感觸：這3年很夢幻【下一頁】
《調教你MIRROR》給予12子長時間相處、溝通及解開心結的機會，Tiger同樣印象深刻，他說︰「嗰次算係一個轉捩點，大家意識到團結就是力量。做完呢個節目之後再去做演唱會，觀眾就睇到我哋唔同咗。（想唔想12子每年都拍一次真人騷？）呢樣嘢都係其次……但如果可以出埠拍就當然會更加團結，去得越遠就越好︰例如希臘、北極，反正都係公司畀錢，哈哈！」對於未來的發展，Tiger坦言希望可以多拍電影和拍劇，特別想與Lokman合作，不論甚麼戲種都可以。
採訪︰Pauline
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】