唐詩詠性感造型為《東華》呼籲 「近朱者赤」輪廓超似拍檔馬德鐘

現年40歲嘅唐詩詠出道至今一直予人甜美嘅感覺，難怪被外界封為「最佳女友」。不過近年佢多次被指樣貌與初出道時差距頗大，尤其是雙眼皮變得特別明顯，輪廓仲深咗，「妹妹Feel」搖身一變成「姐姐Feel」，成熟韻味出晒嚟！日前佢為《歡樂滿東華》作出投票呼籲，濃妝同打燈下更令佢完全變咗第二個人。

{{hket:inline-image name="e7aed74121168017847a5f5993a04978.jpg"}}{{/hket:inline-image}}

當日唐詩詠着上型格黑色皮褸，裏面係一件低胸晚裝，若隱若現好性感！不過燈光由上而下咁打落去，加埋比平日濃厚嘅妝容，令到佢成熟咗唔少，望落好似變咗另一個人咁！唔少網民留言話佢好似之前《我家無難事》嘅拍檔馬德鐘，戲謔表示︰「係咪因為對得多，兩個人啲五官好似」、「兩個都係靚仔靚女」，認真啜核。

其實唐詩詠同馬德鐘只係合作過一次演夫妻，可以話係一拍即合，好有默契，女方就話完全唔過電，「唔明點解我冇……其實由我第一日同佢拍嘢嘅時候，自己就諗我哋嘅愛情戲，會唔會有感覺？但原來係冇。可能我同佢嘅關係似知己嗰種，連大家埋位做戲嘅時候，都唔使點樣去傾，都演得好流暢好有默契。」