張栢芝啜爆爸爸嬌嗲似小女孩 鬍鬚勇變白鬚翁慈祥任囡囡舞

現年41歲嘅張栢芝喺破碎家庭成長，9歲時父母離婚，佢曾經喺訪問中表示父母離婚前日日都唔開心，所以佢係舉腳贊成二人離婚。雖然如此，栢芝同爸爸媽媽嘅關係非常好，母愛爆棚嘅佢細細個就姊兼母職照顧幼弟。

同場加映：MIRROR半塊鏡開騷│Jer爆女友捧場但未修補關係 受訪時好兄弟肉緊幫手箍煲

{{hket:ul-video id="4841"}}{{/hket:ul-video}}

{{hket:inline-image name="a5zbc39442217462405.jpeg"}}{{/hket:inline-image}}

平日栢芝不時會喺網上分享佢嘅湊仔日常，呢位多功能媽媽可以擔起半邊天！日前佢仲罕有咁分享同父親張仁勇嘅片段，片中嘅栢芝頓時變成小女孩，對住爸爸份外嬌嗲，非常可愛。栢芝依偎喺父親胸膛，邊唱生日歌邊錫爸爸面珠兩次，爸爸開頭不為所動，之後都抵唔住「攻擊」，笑到成個「女兒傻瓜」咁呀！

栢芝又喺抖音分享佢同爸爸去嘉年華玩嘅片段，表示：「我們這裏呢有個嘉年華，小孩玩完之後，就跟我爸一起過生日，生日快樂。」又再親吻爸爸嘅光頭，並透露當晚會一家人打邊爐共聚天倫。片中栢芝表現興奮，但爸爸就好cool咁，女兒亦已習以為常，「我爸常常以為我傻的，他完全不管我，你看他的眼神，你看沒反應，哈哈哈，因為他已經覺得我是瘋癲。」

細看之下人稱「鬍鬚勇」嘅栢芝爸已經變白鬚翁，當年嘅霸氣已經不復再，就算唔笑，都係一個一臉慈祥嘅老爺爺，發福嘅佢乍看之下仲有啲似藝人鄭則仕，勁有親和力呀！

撰文：黃蘊姿