結婚4周年︱余文樂王棠云絲婚首曬求婚照 「廉價」戒指抱得皮帶大王千金歸

12月6日係余文樂同太太王棠云（Sarah）結婚4周年，相信大家呢4年都見到樂仔嘅變化，由「不羈的風」變身暖男老公加爸爸。今日樂仔罕有喺社交平台大曬佢當年嘅求婚照，唔少網民睇完都話明晒點解樂仔呢隻無腳雀仔會肯落地！

同場加映： 拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

近日開設個人YouTube頻道的樂仔，一改以往作風，大方分享台灣豪宅以及同家人嘅相處點滴，大家都了解咗真正嘅佢多好多！今日樂仔喺IG上載多張夫妻合照，當中更包括求婚照。原來求婚當日樂仔同王棠云喺沙灘食燭光晚餐，二人都係背心短褲踢拖鞋。相中見樂仔單膝下跪，兩個嘅笑容都非常甜蜜，相信係王棠云「Say Yes」之後影嘅！王棠云身家顯赫，到底樂仔係用一隻幾驚天地泣鬼神嘅戒指先可以抱得美人歸呢？樂仔Upload咗一張二人十指緊扣嘅相，王棠云只係戴住一隻用草織成嘅戒指，非常貼地！

{{hket:inline-image name="bkn-20211206130214861-1206_00862_001_04b.jpg"}}{{/hket:inline-image}}

唔少網民都留言話樂仔一定係好有誠意，先可以用草戒成功求婚；都有人講笑話樂仔係贏咗喺佢嘅靚仔樣度，話「人帥真好」！亦有唔少人大讚王棠云雖然出身富裕，但就一啲都唔著重「物質」，真係世間少有，係一個娶得過嘅好女仔，相信樂仔成功背後嘅最大功臣就係佢嘅嬌妻Sarah！

講番王棠云本身來頭有幾勁，佢係台灣最大皮件公司亞美集團總裁王東生嘅千金，其父親王東生係第一批赴內地投資嘅台商，於內地擁有不少工廠，而且屬全球最大的皮帶企業，資產估計達上億。王棠云從小就有名車接送，佢自己都講過以前就係活生生嘅真人版公主生活，每日無憂無慮不愁吃穿，只係打扮靚靚就得。

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】