黃翠如素顏做土炮化妝教學 名牌胭脂用足5年4個步驟出得街

現年40歲嘅黃翠如連續缺席無綫幾個大騷，事關佢兩個月前「北上尋夫」飛去上海同老公蕭正楠會合，又去雲南入住度假酒店，兩公婆玩到好似大細路一樣，至今翠如都未有歸期，樂不思蜀！

同場加映： 九龍城寨‧圍城│洪金寶冇關心譚詠麟桃色新聞 林峯冧住爆囡囡學講

{{hket:ul-video id="4776"}}{{/hket:ul-video}}

早前經歷情緒困擾嘅翠如，北上會合蕭正楠後心情變得開朗，不停分享靚景同自拍，又同老公係多個地點打卡，一班朋友同粉絲們見到佢開心番晒都覺得好欣慰。今次甚少踏足內地嘅佢去做跟得夫人，仲開通埋內地社交平台「小紅書」，開始同內地網民互動，更發了小紅書第一個post同片，有唔少內地網民都留言表示好喜歡佢，睇嚟跟老公步伐開拓內地市場有得諗！

{{hket:inline-image name="262654315_593660958417113_3140639060750485984_n.jpg"}}{{/hket:inline-image}}

雖然喺內地有市場，但翠如都冇忘記香港嘅Fans，三不五時都會更新IG慰佢哋，尋日佢就喺IG Story度post出自己嘅全素顏化妝片，真係唔係天生麗質都冇佢咁大勇氣呀！片段一開始翠如就出字幕話係佢「最真實化妝分享」，一開始佢就向面上噴上大量保濕噴霧，之後再大力拍打；之後就開始佢第二個步驟，搽精華液，不過翠如勁大力捽自己塊面，佢都自嘲係用「用刷碗的方式搽面」，仲話可能因為咁面好多皺紋，睇嚟係一個反面教材嚟。而佢第三個步驟就已經係搽防曬隔離霜，因為膚色偏黃嘅翠如只要搽咗佢就會立即顯白，所以翠如話自己而家最愛呢個隔離霜！最後一個步驟已經係搽上胭脂，佢透露呢盒chanel胭脂佢已經用咗五年，成日都「蝦碌」嘅佢仲成餅胭脂跌落地，不過都照用上面，而且搽嘅時候毫無「章法」，真係睇到一額汗！

翠如最近戴埋帽就完成咗佢嘅變身，化咗同冇化可以話係完全冇分別嘅！唔少網民睇完都不禁問自己睇咗咩，不過都有好多人大讚佢「靚底」，先可以就5分鐘唔使就出到街，非常羨慕！亦都有好多人欣賞佢呢個「極簡主義」，唔會為皮膚帶嚟負擔，夠晒自然，但就實在稱不上係化妝！

圖片來源：Instagram