阿嬌喪父變「人球」住寄養家庭 自覺「冇童年」：進娛圈才開始生命

鍾欣桐（阿嬌）一歲便喪父，母親為幫補家計，迫於無奈將阿嬌變「小人球」，喺寄養家庭生活嘅日子，更令佢留下「童年陰影」。日前佢同圈中好姐妹容祖兒（Joey）﹑蔡卓妍（阿Sa）合作推出內地綜藝節目《因為是朋友呀》，第一集三姐妹就邀請同公司嘅大師兄謝霆鋒做嘉賓，四人大講心底話，其中阿嬌再次講到自己童年時嘅感受，令唔少網友感到痛心。

同場加映： 吳幸美天不怕地不怕成正義Icon 孝順女憶喪父灑淚：佢以我為榮

{{hket:ul-video id="4741"}}{{/hket:ul-video}}

節目中Joey率先爆佢哋四人有一個共通點，就係都來自單親家庭，講起呢個話題，大家都有啲沉重。生性樂觀嘅阿Sa就率先講：「我覺得我一直都挺幸福，雖然爸爸媽媽不在一起，我挺能自己跟自己相處的，我也沒有兄弟姐妹。」不過阿嬌就同佢完全相反。

{{hket:inline-image name="NibgMuvFbzg7NZ8v_WwTO1EwMVuxE0IXpjsXA6Y7FwM.jpg"}}{{/hket:inline-image}}

阿嬌覺得自己根本冇童年，直到進入公司先搵到歸屬感，佢表示：「我幾乎是沒有童年，我可以說我是進娛樂圈才開始我的生命。我媽媽也沒有照顧得很好，爸爸也不在了。她（媽媽）也不是一個壞人，就是年紀很小的時候就已經有了我，也不太懂怎麼去照顧一個小朋友，教育一個小朋友，所以很多的東西，我也是進娛樂圈之後才慢慢學的。我是沒有安全感的人，你看一開始我進來（公司）的時候，我都不太笑，霍汶希（經理人）每一天都說：『快點笑多一點』，不會笑，就是從小就沒有這概念，所以就是我進公司這一個大家庭，教了我很多東西。」唔少網友聽見之後都戥佢心噏，覺得阿嬌畀童年嘅缺失影響咗一生。

阿嬌曾講過自己嘅性格唔多唔少受到後天環境影響，因身兼父職嘅母親要出外工作，照顧佢嘅責任就交由親友代勞。為方便照顧佢，佢要搬到親友家中居住，令佢喺三年嘅幼稚園生涯入面轉咗七間學校。除交由爺爺嫲嫲照顧外，更有一個時期，母親將阿嬌交託咗畀一個寄養家庭生活，每星期只能見到母親一次。

阿嬌指該家庭已有一對同佢差唔多大嘅仔，而佢就最討厭兩個男仔嘅爸爸，因為呢個叔叔重男輕女，就算佢乖乖做功課，叔叔都會無故「摼」佢頭；但佢兩個仔幾曳都不打不罵！阿嬌認為雖然唔算係虐待，但就感覺被欺負。即使自己有向媽媽「投訴」，但媽媽只以為佢講大話想返屋企，終於喺寄養家庭住咗一年先逃離「魔掌」。因為頻頻搬屋同轉校，令阿嬌唔識同同學同老師溝通，連上堂都唔敢發問。佢指有次因怕舉手提出去洗手間，最終「瀨尿」被同學取笑！事事碰壁令小時候嘅阿嬌性格內向，更被老師於成績表寫下「不喜合群」嘅評語。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】