被指食嫩粉絲｜譚詠麟衫褲鞋Match酒店男子 微博奇拿「唧牙膏」甫床邊除褲照

現年71歲嘅樂壇老前輩譚詠麟（校長）捲入桃色風波！日前內地有一位網友指佢23歲女友同已婚男歌手譚詠麟有不倫關係，並喺微博上載黑衣男子喺酒店房嘅背影相做「證據」。阿倫隨後發聲明否認事件，其經理人公司藝能及唱片公司環球亦譴責事件，不過呢位網民就繼續「出招」，用唧牙膏嘅形式上載相片，引嚟唔少網民都抱食花生心態觀望。

同場加映：  星空下的Liza│姜麗文演技獲肯定成秦沛驕傲 「星二代嘅努力不應被忽略」

{{hket:ul-video id="4691"}}{{/hket:ul-video}}

{{hket:inline-image name="bkn-20211125090107397-1125_00862_001_05p.jpg"}}{{/hket:inline-image}}

呢位「微博奇拿」噚晚先後再post出一名男子嘅全身背影以及一張喺床邊唔知係着褲定除褲嘅相。雖然未有見到男子正面，不過就有「神探」去翻查校長嘅微博，見到佢喺舊年10月曾着過同酒店男身上差唔多嘅衣物以及K字波鞋。雖然打扮方面90%ｍatch，但睇番同款波鞋嘅售價都只係約$300，一街都撞鞋又真係唔出奇，到底係事有湊巧定真係校長，網民都議論紛紛。

相關新聞：譚詠麟被指「睡」23歲粉絲登熱搜 甫疑似校長背影相應采兒畀like【下一頁】

又有人發現阿倫去年12月post過酒店房相，而呢啲酒店房相又同「奇拿」相中嘅酒店房裝潢相似，有同一幅掛牆畫。不過當時影呢張相時有多人喺房內進行深喉唾液檢測，亦有多位工作人員出入，似乎借用酒店房工作，所以就算酒店男真係校長，都唔可以代表啲咩！

不過奇拿噚晚深夜突然人間蒸發兼刪除咗3張相，令人擔心佢係「被和諧」；又有人猜測佢收咗揞口費唔再出聲，今日佢終於又再留言解釋：「沒有被公關，也不接受公關！昨日只因太過氣憤無處宣洩才來微博訴述，沒想到佔用了這麼多公共資源。前女友已向我坦誠一切，望世間再無腦殘粉。另外，我對我在此平臺發布過的一切內容都負法律責任，德藝雙馨，如果你認為我是在污蔑，你就採取必要手段，我必奉陪到底。」 ​​​

譚詠麟發聲明後深潛，而其老友曾志偉原本今日會現身《萬千星輝賀台慶》祝捷會，但最後以開會為由未有現身。

圖片來源：微博

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】