伍仲衡牛一喜獲偶像顧嘉煇拍片祝賀 「呢個係我最好嘅生日禮物」

音樂人兼曾任《聲夢傳奇》評審的伍仲衡，每次在網上live show或者舉行實體音樂會，定必吸引不少樂迷捧場，次次爆場。日前（11月21日）是他的48歲生日，收到不少禮物，還擠滿了他的studio，他在Facebook留言笑指「就嚟冇位行」。大約200多位樂迷為伍仲衡在一間酒樓舉辦生日會，席間安排唱歌、跳舞、抽獎等節目環節，令伍仲衡十分高興。伍仲衡接受《晴報》訪問，他開心地說：「佢哋仲搵咗我啲好朋友，例如小恩子（黎瑞恩）、羅敏莊、區永權、EO2拍片祝賀我生日。」

同場加映：《愛回家》熊家龍家兩大婚禮舉行在即 龔水爆婚期 蓮輝感激觀眾證成長

{{hket:ul-video id="4715"}}{{/hket:ul-video}}

{{hket:inline-image name="11.jpg"}}{{/hket:inline-image}}

最令伍仲衡驚喜的，就是現居於溫哥華的殿堂級音樂家顧嘉煇也拍片祝賀他，伍仲衡將該片段上載至facebook，並留言：「嘩！你哋竟然搵到煇哥，咁下年搵玉置浩二啦！」從片段所見，顧嘉煇十分壯健、精神，他說：「Harry（伍仲衡英文名），你認唔認得我係邊個呀？好耐冇見喇喎，喺香港見過你㗎，生日快樂呀，祝你生日快樂啦！」有網民看到短片後，留言表示：「好感動，要珍藏片段。」

音樂人伍仲衡演唱會宣布添食 超強嘉賓陣容 預告EO2再合體現身【下一頁】

伍仲衡向《晴報》表示：「佢哋竟然搵到煇哥同我講生日快樂，呢個我非常之感動，因為我同煇哥差唔多有年幾、兩年冇聯絡。其實佢返咗加拿大之後，我都有同佢屋企人keep住聯絡，所以呢個係我最好嘅生日禮物，估唔到我嘅偶像喺我嘅生日同我講生日快樂；咁我之後都有同煇哥嘅屋企人講『多謝煇哥拍咗呢條片』，多謝我一班fans好用心，好錫我，同我歡度咗一個生日午餐。我問fans點解可以咁勁搵到煇哥，原來其中一位fans係煇哥嘅鄰居，所以佢可以聯絡到煇哥。」至於生日願望，伍仲衡希望疫情盡快過去，社會恢復正常，人人有工開，身體健康，以及將好音樂帶給大家。

王馨平爆伍仲衡勁貪靚【下一頁】

現年88歲的煇哥，現定居於溫哥華，在1960年代，開始為邵氏電影作曲，為人熟悉的包括由凌波主唱的《效道》，及後他為無綫劇集的主題曲作曲，作品有《啼笑因緣》、《家變》、《奮鬥》、《獅子山下》、《網中人》、《上海灘》、《倆忘煙水裡》、《萬水千山縱橫》、《今晚夜》、《忘盡心中情》等等數之不盡。由於煇哥與黃霑合作無間，兩人「煇黃」之名屹立至今。

在2015年，煇哥獲政府頒授「金紫荊星章」（Gold Bauhinia Star, GBS），表揚他終身貢獻予本地流行音樂的發展，當時煇哥說：「好多謝香港特區政府再次頒一個咁高榮譽嘅獎畀我，我感到好榮幸，好開心。如果特區政府有需要我在音樂方面幫手，我一定會全力以赴，回饋社會。我亦希望香港人個個都開開心心。」翌年，煇哥舉行《顧嘉煇金紫荊慈善演唱會》，目的是為基層和有需要人士籌款，之後他就返回溫哥華生活。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}