十月初五的月光｜姚嘉妮接棒演萬朱莎華感壓力 練口頭禪過百次：望觀眾接受

新版《十月初五的月光》將於22日（周一）首播，劇中主景由澳門街改到流浮山，大反派萬朱沙華與主角「Q姨」朱沙嬌的關係亦由好姊妹改寫為母女，而這個重要角色由現年43歲的姚嘉妮接棒，角色性格亦由原版陳曼娜（Manna姐）的潑辣性格，換上霸氣女強人本色，可謂現代感較強。姚嘉妮接受《晴報》訪問時，表明新版會依然保留角色的口頭禪「我萬朱莎華就最講道理嘅」，而她在家已練習過百次，監製陳志江睇完亦收貨，很希望觀眾接受自己新的演繹方法。

同場加映：星空下的Liza│姜麗文演技獲肯定成秦沛驕傲 「星二代嘅努力不應被忽略」

{{hket:ul-video id="4691"}}{{/hket:ul-video}}

{{hket:inline-image name="KWAH02743.jpg"}}{{/hket:inline-image}}

{{hket:inline-image name="e0dc0f27-5851-45a1-a39c-2040dc9e6e8f.jpg"}}{{/hket:inline-image}}

姚嘉妮表示以前有睇過Manna姐的演出，但拍攝前無特登去重溫舊版本，因為監製表明今次角色性格及人物關係與舊版不同，同Q姨（米雪飾）由姊妹變做母女，「雪姐係我媽咪，而我身分係公司CEO，係女強人，好硬淨，所以演繹方法會唔同，再唔係Manna姐嗰種潑辣。我出嚟係有霸氣嘅女強人，唔會有街市鬧交嗰種，可以講角色都係一個衰人，一個奸角。知道出街後會好多人會比較，但要了解唔係同一個人，係唔同嘅角色，而我更特登唔睇Manna姐版本，因為唔想copy佢嘅演繹方法，加上對新版角色係唔啱用，今次我用自己演繹方式去做。」

【她她她的少女時代】姚嘉妮追求者多 被夫感動深愛20年 生兩個小朋友靚媽減肥全靠咩？【下一頁】

她希望觀眾接受新版本外，亦多謝前輩Manna姐昔日做得好好，令角色早已深入民心；加上經典對白「我萬朱莎華就最講道理嘅」，令到觀眾直至今時今日仍記住，「當我同人講做萬朱莎華，大家就知演邊個角色，講真我有啲壓力，好希望觀眾接受。（有心理準備接受批評？）係有壓力，但預告片出街後反應都幾好，話好想睇我點演繹呢個角色；有啲就話我唔夠潑辣，但覺得大家睇故事之後，會感受到我呢一種嘅霸氣。」

姚嘉妮搞童裝王國未係最勁？ 《流行都市》臥虎藏龍非富則貴【下一頁】

至於有否其他金句推介？姚嘉妮笑說：「『我萬朱莎華就最講道理嘅』一定會有，監製叫我返屋企講100次、10000次，不停咁講，要用唔同方式演繹出嚟；仲有另一句『邊個得罪我，我一定唔會畀佢好過。』，呢啲咁巴辣說話係由我講出嚟。劇本真係寫得好好，搞到我自己深信角色係好講道理……（其實係女版「丁蟹」？）係，劇本真係寫得好好，我係因為過去嘅經歷，先變成今時今日嘅萬朱莎華，開頭驚做出嚟會唔會好突兀，好夾硬做個衰人？原來唔係，故事舖排得好好，第一集由細個發生咩事講起，造就日後性格，劇情上係說服到人。」

（↓點擊放大睇圖片↓）

問監製陳志江有何意見？姚嘉妮話：「有去監製面前做畀佢睇，講唔同嘅演繹版本，佢都收貨，都幾滿意；當然留待觀眾畀分，因為劇中有好多金句，每場戲會有唔同心情發揮，有時會輕描淡寫，有時就會好惡話人。（仔女有無被嚇親？）因為角色講嘢無尾音，拍完返到屋企有時仲係咁，不過好快都抽離到，而我多數喺房練對白……我真人同萬朱莎華好唔同，係無咩信心，成日問監製呢場戲點。其實我唔係成日演戲，好多謝監製畀個咁重角色我，有啲受寵若驚，講真唔想辜負佢。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}