張栢芝離婚十年曬溫馨母子合照 稱職單親媽媽：你從來不是累贅

現年41歲嘅張栢芝近年將重心轉移到內地發展，又創立自己嘅個人時裝品牌，真係忙到甩碌！雖然工作繁忙，但張栢芝不時都會帶三個仔去玩，一有機會又會喺屋企親自為佢哋炮製美食。張栢芝又不時喺社交平台分享同囝囝互動嘅日常趣事，唔少人都大讚佢係一個好稱職嘅單親媽媽。

同場加映：  廣告酬勞飆升｜MIRROR成員傳出騷身價高達50萬 AK：希望報道講嘅係真

{{hket:ul-video id="4653"}}{{/hket:ul-video}}

近日，張栢芝喺抖音分享咗一條短片，短片嘅背景音樂係一首關於親情嘅歌曲，而片中有兩張相，第一張係大仔Lucas同二子Quintus童年時期嘅相，二人對住手捧蛋糕嘅媽媽張栢芝獻吻，非常溫馨；而第二張就係而家嘅Lucas同Quintus擺番同一個pose親親媽咪，轉眼間兩個仔都已經由小朋友變成青少年，不過栢芝就同當年樣子差唔多，保養得非常好。

{{hket:inline-image name="5uOXTEaKGzAWEyLR79ecYORVo6kjjdWmJZI0-yWSNPs.jpg"}}{{/hket:inline-image}}

栢芝留言同兩個囝囝「表白」：「有你們我很幸福。」又憑歌詞寄意：「你從來不是我的累贅，你是我用青春換來的寶貝呀。」短短幾句已經完全表達出栢芝對囝囝嘅愛，亦唔介意為佢哋犧牲晒所有時間，付出所有。唔少網友覺得畫面好有愛，更講笑留言：「栢芝做媽媽比做藝人更出色！」

而大家嘅另一個重點就放喺大仔Lucas身上，事關14歲嘅佢同爸爸謝霆鋒好似餅印一樣，雖然只係得一個大側面，但就清楚見到佢同爸爸嘅輪廓激似！不過都有網民提出霆鋒好似已經好耐冇見過兩個仔咁，似乎關係疏離，留言：「爸爸都去了哪兒？」、「栢芝不也常在內地工作嗎？怎麼她就有時間顧小孩？」

爺爺謝賢曾經講過栢芝唔會唔畀兩個仔見爸爸，自己每次睇兩個孫都係去霆鋒屋企，仲透露頻率有達一星期一至兩次。不過謝賢最新一次回應就提到自己都好耐冇見過謝霆鋒，亦都好耐冇見到兩個孫，甚至耐到唔記得隔咗幾耐，好怕兩粒孫唔記得佢係邊個咁話！睇嚟大家想見到霆鋒同兩個仔嘅合照，都唔係咁容易喇！

{{hket:inline-image name="WhatsAp.jpeg"}}{{/hket:inline-image}}

{{hket:inline-image name="WhatsApp.jpeg"}}{{/hket:inline-image}}

{{hket:inline-image name="What.jpeg"}}{{/hket:inline-image}}