男神廚房｜周嘉洛鬼仔性格攬攬媽咪示愛 孝順抽空黐家媽媽反而匿入房？

由鄭裕玲（Do姐）、王菀之（Ivana）主持的《男神廚房》，昨日一集嘉賓方力申（小方）、周嘉洛和關禮傑鬥廚藝之餘，亦鬥感性，當中周嘉洛整完「一次燒賣」後憶起與母親的相處，一度哽咽，籲大家要珍惜眼前人。

{{hket:inline-image name="tvb.png"}}{{/hket:inline-image}}

同場加映：張頴康承諾外父加倍愛錫麥雅緻 被封完美暖男：全因遇上對的人

{{hket:ul-video id="4627"}}{{/hket:ul-video}}

周嘉洛的廚藝令人不敢恭維，製成品不但被指「睇見都唔開胃」兼有嚴重腥味，上集炮製「炸蛋」期間，更令試食團眾人「聞蛋色變」。不過在真情剖白環節，他以「孝順」及「感性」挽回失地。

{{hket:inline-image name="tvb2.png"}}{{/hket:inline-image}}

今集周嘉洛炮製龍蝦燒賣，並將其命名為「一次燒賣」。他表示：「每一次去酒樓同媽媽、阿妹食飯，佢哋都會叫燒賣，我同細妹每一次都會每人一粒，剩低嗰兩粒，多數每人輪流食多一粒，一家三口會咁分燒賣。」

{{hket:inline-image name="tvb4.png"}}{{/hket:inline-image}}

周嘉洛表示雖感受到母親對他的愛，但兩母子相處並不太close。他指：「我同媽咪嘅關係……我好滿足，我同佢嘅相處雖然唔係好多交流，我曾經自覺陪媽媽時間唔足夠……咁不如我搵一日陪吓佢啦……咁有一日我哋都係屋企，兩個都冇嘢做，佢就匿埋係房，我諗佢應該係唔習慣同我單獨相處。（Do姐：佢錫唔錫你？）佢好鍚我，我哋嘅愛係盡在不言中。」

他在香港完成中三課程便赴澳洲留學，Ivana問到他與母親關係是否因去澳洲讀書疏遠？周嘉洛表示：「早一輪會一星期通兩次電話，後來會兩、三個月先打一次，我諗都有關係……有一期好啲，我係澳洲返嚟，比較擅於表達愛……外國人嘛，愛咪攬攬，但媽咪會尷尬，好唔習慣……但我feel到佢係開心嘅。」

{{hket:inline-image name="tvb7.png"}}{{/hket:inline-image}}

周嘉洛續指「成日驚自己後悔」，Do姐問為甚麼，他就哽咽地說：「有一日冇機會對佢（母親）好嘅時候，咁就後悔莫及啦！（Do姐：會唔會有時望吓佢覺得老咗？）有，係有嘅，所以要珍惜眼前人。」

周嘉洛是孝順仔一名，當年他從澳洲回港，放棄學業，有一半原因是太掛念母親，同時不想增加她的經濟負擔。他曾表示自己不只在母親節才孝敬媽媽，無論工作多忙都會抽時間陪伴對方；連續四年生日於IG上載與媽媽十指緊扣的照片「放閃」，感謝媽媽的養育之恩。

男神廚房｜譚俊彥爆當年被應采兒指控非禮 Do姐：開埋名 我鍾意呀【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

撰文：林惠珊

{{hket:inline-image name="11.jpeg"}}{{/hket:inline-image}}

{{hket:inline-image name="22.jpeg"}}{{/hket:inline-image}}

{{hket:inline-image name="33.jpeg"}}{{/hket:inline-image}}