戀講嘢丨女生爆唱作歌手出道後冷淡分手 193：我知道男主角係邊個

以愛情話題為主題的ViuTV節目《晚吹- 戀講嘢》，由郭嘉駿（193）、譚凱倫、鄭伊琪和郭奕芯主持。在昨晚（16日）播出的一集中，就請來一位唱作男歌手的前女友，指男友為了追夢，在簽約公司後，竟絕情地向她提出分手。節目播出後有不少網民憑當中的線索，猜測該名男歌手是誰。

同場加映：廣告酬勞飆升｜MIRROR成員傳出騷身價高達50萬 AK：希望報道講嘅係真

{{hket:ul-video id="4653"}}{{/hket:ul-video}}

{{hket:inline-image name="10.jpg"}}{{/hket:inline-image}}

這位男歌手的前女友叫Wai，她在節目中透露與男友是同校同學，因報名參加國外實習而相識，「我哋派咗去同一間公司，日對夜對，有一次去唱K，好好聽，我係好鍾意把聲好好聽嘅人，咁就被佢吸引咗，跟住返到香港再約會，之後就一齊。」她還指歌手男友會自己填詞和作曲，又懂得畫畫，她續說：「喺第一年情人節，佢作咗首歌畀我，入面內容係關於我，因為首歌入面有寫埋我個名，都好窩心。」

不過他們的戀情，在歌手男友簽約公司後起了變化，Wai說：「我哋係無疾而終，因為我哋一直都好和諧，好少嗌交，但有一次連續幾日都嗌交。嗰日我生日，佢送咗幅畫畀我，我好開心，但佢同我講咗句『我因為畫呢幅畫畀你，搞到我少咗時間做音樂』，我忍唔住同佢講『又唔係我叫你送畀我』，我哋開始有拗撬；隔咗幾日再見面，我話『不如我哋夜晚食呢間（餐廳）』，跟住佢又同我講佢夜晚約咗人做音樂，我話『同我出街唔係預咗成日嘅咩』……後來因為種種問題開始有爭執，嗰日之後就冷戰。」

193@ERROR有感努力被抹殺 心理學家前崩潰嚎哭：好辛苦【下一頁】

Wai指一個月後，對方傳了一大段訊息給她，大概指自己當刻想專注做音樂，不想讓不好情緒影響到，所以在忙完所有事就會找她，Wai續說：「我覆返佢，問佢係咪想分手？佢話『我哋唔會分手』，我問佢『我要等到你幾時？可唔可以畀個日子我？』佢話『總之我忙完就會喺你屋企樓下搵你』，但我日日睇都唔見佢，我咪去佢屋企樓下搵佢，不過佢叫我走，話唔想見，可能佢忙緊。」193聞後即說：「咁絕情？如果係我一個愛過嘅人，佢喺我樓下等我，我點都見佢一面，唔好要佢咁慘……定係嗰刻已經唔鍾意？定係鍾意咗其他人？」譚凱倫認為這位男歌手是被Wai嚇怕了。

古天樂傳授193@ERROR五「識」秘技 193接Job唔停認儲夠首期「上車」【下一頁】

{{hket:inline-image name="51.JPG"}}{{/hket:inline-image}}

{{hket:inline-image name="52.JPG"}}{{/hket:inline-image}}

{{hket:inline-image name="50.JPG"}}{{/hket:inline-image}}

{{hket:inline-image name="249224540_2657929407842981_6444654592880000501_n.jpg"}}{{/hket:inline-image}}

{{hket:inline-image name="240390338_3011669202487929_4362791996427928213_n.jpg"}}{{/hket:inline-image}}

及後，Wai眼泛淚光透露對方在12月推出MV，但發現MV女主角竟是曾向男友提及過自己不喜歡的女生，Wai指當時很不開心，於是不再追蹤他的社交帳戶，她說：「不過我覺得佢係有原因，可能身邊冇其他女仔。」郭奕芯指Wai不懂跟這男歌手溝通，亦不懂得體諒；193則說：「我覺得佢嘅Ex因為入咗行，見識呢個世界唔同咗，好大、好靚、（好多）好有性格、好有才華嘅人，正所謂娛樂圈係個大染缸，見識咗好多之後，就覺得Wai Wai係微不足道；藝人拍拖有好多顧忌，偶像派又唔可以公開，不過佢都幾好吖，MV女主角唔係你啫，但歌詞本來係寫你，算係送咗半首出道歌畀你。」Wai苦笑說：「佢話曲終人散！」最後，Wai寄語歌手男友不要放棄，繼續追尋夢想，不要讓自己有遺憾；此時，193被發現眼有淚光，他解釋：「因為我知道男主角係邊個！」

節目播映期間，已有不少網民已經議論紛紛，有人估男主角是林家謙、洪嘉豪、應智越（細貓）其中一人，「到底係邊個，好想知」、「洪嘉豪唔識畫畫㗎」、「個個都估細貓」、「3爺識嘅話, 細貓嘅機會又大咗」。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}