關寶慧不愛單身自嘲瀕死生物 降低擇偶條件寧愛麻甩佬

現年55歲的關寶慧，早前在微博先後上載與黃日華飯聚合照，留言指他是「兒時偶像」、「不老的靖哥哥」，兩人因而傳出緋聞，當時黃日華女兒黃芷晴回應此事，她坦言很開心爸爸有朋友，因怕他變成宅男；而關寶慧則大讚對方人品好，又靚仔。

同場加映：廣告酬勞飆升｜MIRROR成員傳出騷身價高達50萬 AK：希望報道講嘅係真

{{hket:ul-video id="4653"}}{{/hket:ul-video}}

{{hket:inline-image name="11.jpg"}}{{/hket:inline-image}}

{{hket:inline-image name="60.jpg"}}{{/hket:inline-image}}

關寶慧日前接受《晴報》專訪，談及與黃日華傳緋聞，她笑說：「唔係我約佢，大家都係朋友，約出嚟食飯、傾偈好正常。」其實黃日華自太太梁潔華病逝後，關寶慧一直有慰問對方，開心見對方重現歡顏。提及對黃日華的感覺，關寶慧說以「極品」來形容他，「人品好，我從來冇聽過人哋話佢嘅不是，同佢合作過嘅人，都覺得佢好照顧人，專業操守好好。」問到跟黃日華有沒有發展的可能？關寶慧即說：「好多嘢都話唔定，總之佢係一個好男人，亦都要畀啲時間佢療傷，我哋係老朋友。」

【使徒行者3】關寶慧事隔廿年霸氣回歸幕前 認拍無數爛片患躁鬱跌人生低谷【下一頁】

{{hket:inline-image name="50.jpg"}}{{/hket:inline-image}}

{{hket:inline-image name="61.jpg"}}{{/hket:inline-image}}

{{hket:inline-image name="51.jpg"}}{{/hket:inline-image}}

對於感情生活，關寶慧透露上次拍拖已是10多年，她笑說：「感情冇狀況，係瀕死生物。」表示早年在內地發展事業時，曾有追求者，「始終我唔係長駐內地，返到香港之後，雖然有聯絡，但慢慢都失聯；異地戀好難維繫，第一個條件，對方一定要中國人，我唔鍾意老外，我英文OK，但唔可以日日都講英文。」問她是否眼角高？她笑謂：「通常人哋話我眼角高，我會答佢『即係話我條件低？』哈哈！我要求唔係太高，只係要求一個好地道嘅香港麻甩佬，我真係好鍾意香港麻甩佬，但而家係零，希望快啲遇到。」她曾與圈外人拍拖，但因對方受不了被人指指點點，最後分手收場，她說：「好簡單，一個大男人同我去街，途人只係會同我打招呼，當佢透明；試過好多次食飯埋單，侍應只係會拎張單畀我，唔會遞畀我身邊嗰位，對方就會覺得好冇面。」

【一線花旦淪為爛片王】關寶慧患躁鬱症沉迷打牌 走過陰霾終贏最佳女主角【下一頁】

{{hket:inline-image name="40.jpg"}}{{/hket:inline-image}}

關寶慧畢業於演藝學院戲劇系，1990年代加入無綫後，她有份演出多齣劇集，包括《我愛玫瑰園》、《大頭綠衣鬥殭屍》、《重案傳真》、《都市的童話》、《射鵰英雄傳》、《西遊記(貳) 》等等，而電影方面則有《八仙飯店之人肉叉燒包》、《高度戒備》、《目露凶光》、《我愛HK開心萬歲》等等。最為觀眾所記得，一定是《怪談》。最近，她重返香港開電視，夥拍AP主持《怪談‧一路好走》，她表示：「再做《怪談》主持係一個情意結，有好多堪輿學家叫我唔好轉行，話我天生食呢行飯。」她兩年前憑舞台劇《她媽的葬禮》獲《第28屆香港舞台劇獎》「最佳女主角（喜劇/鬧劇）」殊榮，「如果我當年退出呢行，就唔會得到呢個獎。」

化妝︰Clara Chan@Purple Star製作公司
場地︰The AIR（The ONE）
採訪︰倪小珊
撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}