黃榕黐薛影儀郊遊被插博出位 反駁指當阿儀朋友：冇人要笑佢

《亞洲小姐競選2021》喺今年年中舉行，由面試到結果出爐相信都冇咩人記得冠軍係邊位；相反喺面試當日以騎呢出位嘅37歲「A0」中女薛影儀就到而家都仲有人討論，雖然落選，但就獲ATV不停安排工作。不過唔少人都開始對ATV將阿儀「用到盡」有啲微言！

同場加映：廣告酬勞飆升｜MIRROR成員傳出騷身價高達50萬 AK：希望報道講嘅係真

{{hket:ul-video id="4653"}}{{/hket:ul-video}}

日前，現年39歲嘅黃榕同一眾暗星加埋阿儀去到郊遊親親大自然，唔知係咪阿儀自己經營嘅嗰個社交平台，昨日都有出post，阿儀以第一身留言兼貼出大合照：「今日在大埔小白鷺果（嗰）個老闆娘請我同亞姐朋友巧兒、黃榕玩水上單車，食自助餐。」黃榕都有留言回覆：「今日同阿儀女神郊遊好開心呀！」不過成個活動就似乎有啲不明所意，阿儀仲好似props咁同眾女影相；有網民就覺得佢哋消費阿儀，睇唔過眼留言大鬧！

{{hket:inline-image name="256266491_1297083224084775_8559670604908181784_n.jpg"}}{{/hket:inline-image}}

有網民一開口就以「過氣黃榕」回覆，又有人留言：「唔悶㗎咩你哋？扮晒嘢，肯定你咪又係喺背後笑佢，位唔係咁出」、「我相信唔單止你背後笑佢，亞視同過一齊做節目嗰啲女都有笑佢啦」、「真係好假，其實咁唔會上到位，網民只會睇你唔起」，不過黃榕就反擊話自己當阿儀係朋友，唔係為咗出位，憤憤不平表示︰「阿儀係我朋友，我約佢去睇單車，唔明點解要背後笑，點解要咁負能量呢」、「言語謾罵可能好舒服紓壓，但美好言語更發放正能量。」網民唔多信佢，繼續攻擊黃榕說︰「係呀個個都好鍾意佢（阿儀），但係冇人鍾意你呢啲咁唔善良嘅老女人」、「是但啦，你話冇笑咪冇笑囉，大家又唔係低能嘅」！

之後都有人喺討論區以「不如放過啊儀啦，為咗錢你哋真係冇人性」為題開post，請求大家唔好再消費阿儀，唔少人都附和指覺得阿儀似畀人欺凌多過工作，認為︰「每日都好似扯線公仔咁畀班人玩弄」，同時有人指阿儀好似好enjoy咁，仲覺得自己真係靚，而且當初選亞姐都係想入行，如今可以話係求仁得仁，仲可以拍廣告同出show有收入。

薛影儀十幾年前在社區中心工作，之後轉做侍應，但因為唔喜歡戴口罩而辭職。無業嘅佢多數時間都留喺屋企睇電視，薛影儀雖然未能入圍《亞洲小姐競選2021》，但亞視睇中佢嘅「人氣」同佢簽約，總算唔使失業！

{{hket:inline-image name="Wh.jpeg"}}{{/hket:inline-image}}

{{hket:inline-image name="WhatsA.jpeg"}}{{/hket:inline-image}}

{{hket:inline-image name="Whats.jpeg"}}{{/hket:inline-image}}

撰文：黃蘊姿

圖片來源：Instagram