李克勤間歇性內地掘金全為囝囝 做《好聲音》導師唔講錢：獲益良多

李克勤日前現身電視城為《萬千星輝賀台慶》進行綵排，台慶當日會獻唱經典金曲，令人非常期待。早前因工作關係而在內地逗留4個月嘅克勤表示，自半個月前回港後，因為好耐冇見朋友，頻頻約飯局而重了咗3、4磅，由於預計今個月仲有20多個飯局，加上老婆生日同自己嘅在即，所以近日一有時間就博命做運動。

同場加映： 曾志偉望無綫成為有人情味機構 「希望係不捨而唔係帶住怨氣走」

{{hket:ul-video id="4582"}}{{/hket:ul-video}}

{{hket:inline-image name="241475837_394597902027554_2800575003760341058_n.jpg"}}{{/hket:inline-image}}

老友曾志偉榮升無綫總經理，克勤指對方公務繁忙，暫未與對方敍舊。問到是次台慶演出，是否對方親自邀請？他笑說：「邊個叫又有咩所謂，唔係講呢啲嘅，佢咁位高權重，我同無綫都有多年感情啦，台慶咁大件事一定要嚟！」而同樣係克勤老友嘅譚詠麟就close好多，二人仲於內地節目盡訴心中情搞喊譚詠麟，克勤搞笑回應：「可能我啲普通話流利咗，其他都係講番大家以前嘅經歷，由我係佢粉絲開始，之後成為好朋友，再到『左麟右李』，中間發生咗好多事，可能我講得好，感動到佢。」

而今次內地之行，克勤坦言收穫豐富，不過就唔肯講賺咗幾多，佢回應：「我唔計呢啲嘢（錢），做咗一季《中國好聲音2021》導師好有挑戰性，好難得做完香港同類節目（聲夢傳奇），再緊接喺內地做，心入面係有比較，從中我亦學到好多嘢。」佢話搵埋都係為兩個仔：「都係為小朋友將來着想。（之後會繼續返內地？）如果我唔係要返嚟，一路喺內地都有工作，但我係有屋企人，唔想兩個仔唔認得我，所以每年去一次幾個月，所以出年睇吓咩節目，睇吓有冇人再搵我。（今次返嚟啲仔有冇唔認得你？）星期六、日咪會理吓我囉！」

{{hket:inline-image name="WhatsAp.jpeg"}}{{/hket:inline-image}}

{{hket:inline-image name="What.jpeg"}}{{/hket:inline-image}}

{{hket:inline-image name="Wh.jpeg"}}{{/hket:inline-image}}

撰文：黃蘊姿

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】