全民造星IV｜ 花姐勁彈靚女參賽者惹網民不滿 被指有「心理缺憾」:擔心佢未來新抱

ViuTV《全民造星IV》已經開始咗60強淘汰賽，日前1號參賽者Ivy So與28號參賽者Candy「對戰」，二人同屬「仙氣女神」，獲網民封為大熱，不過佢哋嘅實力都認真一般，監製黃慧君「花姐」毫不留情狠批佢哋「得個殼」兼「冇得救」、「最憎人得個樣乜嘢才華都冇」，搞到兩位靚女先後因緊張而爆喊。雖然Candy演唱《紅綠燈》時未開聲已搞到ERROR的肥仔心心眼，但連環甩嘴走音表現「驚嚇」，最終「冇得揀」下Ivy So先勝一仗。

同場加映：MIRROR衝金│姜濤認打波有脾氣會改善 Jeremy認抽中居屋好好彩

{{hket:ul-video id="4598"}}{{/hket:ul-video}}

而較早前出場嘅參賽者Emi，由面試開始就被批評，除咗外形唔出眾外，導師梁祖堯同未來女團經理人戴穎（Wing）睇咗佢嘅表演都多次表示「真係唔得」，奇就奇在Emi最後都成功入圍，花姐指原因係佢夠正能量，可以話係龍門任佢搬。

{{hket:inline-image name="6583a499c448672786ed44b3d8de99ea.jpg"}}{{/hket:inline-image}}

有網民於網上討論區批評Emi，留言：「（Emi）勁似以前中學總會有個好作狀，做kai嘢懶好笑，但又一啲都唔好笑嘅同學」、「呢啲扮弱智嘅女，完全唔會有好感」。又指花姐「有心理缺憾」唔揀靚女，明知Emi冇才華都畀佢入圍，相反靚女就畀花姐踩到「一戙都冇」，網民留言圍剿花姐，「見到人哋Ivy So同Candy靚女就單單打打玩針對，佢撐嗰件Emi又醜又假」、「擔心佢未來新抱，想像到佢點彈兩個仔啲女朋友」、「偶像團體係睇樣㗎啦，唔通聽佢唱歌咩？符家俊唱歌夠好聽啦，又唔搵佢入偶像團體？因為佢唔靚仔丫嘛」。

不過都有唔少人撐花姐咁講冇問題，反駁：「女人係好有偏見的動物，佢好老實」、「咁條女的確唱歌難聽，事實上如果咁樣入到圍，佢只係靠樣」，都有好多人心水清，表示只係節目效果，覺得觀眾唔使咁認真，「佢講咗女性觀眾心聲，上FB睇下幾多女人話成個節目悶到！冇花姐鬧吓啲女已經悶到熄電視」。

花姐曾經參與過《翡翠歌星賀台慶》、《香港小姐競選》、《新秀歌唱大賽》等大型節目嘅製作，亦擔任唔少歌曲TVB版本嘅MV導演。2016年隨ViuTV開台轉入該台工作，更一躍而升成為監製。任職ViuTV監製期間，負責《慳D啦Honey》及《脫獨工程》等真人騷的監製工作。2018年，ViuTV選秀節目《Good Night Show全民造星》首播，監製黃慧君因節目中的「火爆」形象令觀眾留下深刻印象，其後更兼任由參賽者組成的新男團「MIRROR」及「ERROR」的經理人。

撰文：黃蘊姿