李琳琳73歲生日獲姜大衞吻賀 感恩十年前戰勝大腸癌

李琳琳今月13日將會迎來73歲生日，日前她與丈夫姜大衞（John哥）跟圈中朋友率先提早慶祝，因為她跟金牌監製潘嘉德是同年同月同日出世，相當有緣份，所以兩人一人捧一個生日蛋糕，齊齊吹蠟燭慶祝，非常熱鬧。而照片中，見John哥更親吻琳琳姐的面頰，兩人47年婚姻依然恩愛無比，幸福滿瀉。

同場加映：MIRROR衝金│姜濤認打波有脾氣會改善 Jeremy認抽中居屋好好彩

{{hket:ul-video id="4598"}}{{/hket:ul-video}}

【與李琳琳結婚46年】姜大衞由大俠變身綠葉小男人 「人不可能永遠處於高峰」【下一頁】

{{hket:inline-image name="254534447_4507642439322095_3973295081558501735_n.jpg"}}{{/hket:inline-image}}

{{hket:inline-image name="252732343_4507642399322099_120127352579077027_n.jpg"}}{{/hket:inline-image}}

{{hket:inline-image name="254579205_4507642395988766_6865622107845705805_n.jpg"}}{{/hket:inline-image}}

{{hket:inline-image name="254335091_4507642349322104_8872031612045287855_n.jpg"}}{{/hket:inline-image}}

李琳琳早前接受演藝人協會的訪問，大談自己入行的經過，她表示8、9歲開始學京劇，但偶然有一個機會，約13歲時獲電懋影業公司邀請接拍一套歌舞片，演員有葛蘭、雷震、喬宏等，而她跟一班年輕演員做舞蹈員，因而加入演藝圈。「比較深刻應該係我自己第一部做女主角，係一套年輕人歌舞片叫《青春的旋律》，不過由於戲入面男生係戴類似The Beatles嘅長頭髮假髮，嗰個年代台灣係要禁播，好可惜，因為係我第一部，對我嚟講都幾大挫折。」

她表示從沒有後悔加入演員這個行業，無論電視或電影都試過很多不同角色，「就算重新揀，我肯定會再做演員，我讀書唔多，但能夠喺圈子入面有一席位，雖然唔係大紅大紫，但好多平輩、同輩同前輩認識，呢個係好珍貴嘅經驗，呢個圈子多姿多彩，工作唔會刻板，每個戲同每一個工作都唔同，我覺得好難得。」

【巴不得爸爸】姜大衞與患癌妻甘苦與共45年 廿歲一笑迷倒眾生曾被富婆痴戀？【下一頁】

李琳琳稱誕下兩女後，她由演員轉型做節目《婦女新姿》主持，一星期只須工作兩日，其他時間陪小朋友，但同時又可與時並進。後來舉家移民溫哥華，淡出娛樂圈，李琳琳憶起：「當初我哋移民，我同John有共識唔做太空人，點知最終自摑嘴巴。佢喺溫哥華嗰邊唔工作，每日陪我去接女、買餸、打波，呢啲生活對40幾歲嘅男人而言，好似會越來越頹。」

後來，John哥應師傅張澈邀請到台灣拍攝電視劇，後來潘嘉德又鼓勵他繼續向電視劇方面發展，最終一直拍劇，家人分隔兩地。「太空人生活發現有啲問題，兩個人冇咗一個共同語言，如果繼續落去，家庭會好大問題，最終決定全部回流返香港。」李琳琳稱John哥從不會刻意表露愛意，以往從沒送花給她，只有一年結婚紀念日，批女兒為她訂花送給她，但兩人之間生活點滴每每令她感動，「大家生活咁長日子，彼此之間已經心靈相通。」

提到10年前患大腸癌，李琳琳稱當時跟John哥一齊做身體檢查，意外發現有腫瘤，她說：「當時做手術之後，再做12次化療，我係一個好接受嘅人，心入面只係諗：『輪到我喇？』因為身邊朋友或圈外朋友都有咁嘅經歷，上天唔會特別優待我，輪到就輪到，好快決定做咗做手術，終於捱過咗，到而家已經超過十年，好感恩，過程中我先生好擔心，我個女好支持我，一路捱過辛苦嘅日子，我感恩多過一切。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉