張馨月孖梁競徽做生意賣名車 用林峯送Hermès手袋惹黑粉妒忌

林峯嘅爸爸有廈門李嘉誠之稱，家境富裕，張馨月嫁畀林峯之後本該可以印印腳做少奶奶，不過日前張馨月就喺微博透露自己開展咗汽車生意。

同場加映： MIRROR衝金│姜濤認打波有脾氣會改善 Jeremy認抽中居屋好好彩

{{hket:ul-video id="4598"}}{{/hket:ul-video}}

日前張馨月喺微博post出一張汽車公司開幕禮嘅相片，並留言：「開業大吉，生意紅火。」據知佢係同梁競徽一齊投資汽車買賣，開幕禮現場更有郭政鴻、李璨琛、關楚耀同內地男星胡炯龍等撐場，未知係咪都係股東之一。雖然老公林峯未有蒲頭撐老婆，但都有送上花籃支持；而黃宗澤、吳卓羲同王浩信等都有送上花籃祝賀。

{{hket:inline-image name="68d7238dgy1gw6cpwifztj234022ox6q.jpg"}}{{/hket:inline-image}}

張馨月當日用嘅係Hermès入門級手袋黑色Picotin Lock Bag，價值3萬左右，係林峯喺早前8月嘅七夕情人節送畀佢嘅禮物，林峯除咗送上Hermès手袋外，仲送咗名牌手錶，好有老婆心！而張馨月都似乎好鍾意呢個手袋，多張相片中都見到呢個手袋嘅「身影」，真係去邊都帶住佢呀！明明係好sweet嘅事，但就慘遭「黑粉」留言攻擊：「叫你老公整個好點的包行不？」、「這個隆重其事的蝴蝶結把我給整笑了」、「買了這個包包後，出鏡率好高，走個機場秀是它，現在拍照也是它，林闊太，你是只有一個這麼貴的包包嗎？」更有人又再次提起林峯當年「七愛」嘅吳千語挑撥：「叫你老公買個好點的包行不，給吳千語買那麼多給你就這個……」不過張馨月就冇理咁多，由得佢哋留言自High。

不過其實張馨月都曾經試過抵唔住「網暴」火山爆發。張馨月曾post出「老婆視角」靚相，影低老公湊B嘅Sweet爆時光，不過竟然有黑粉詛咒，惡意攻擊留言：「你不配活著知道嗎，你女兒早死早超生。」留言觸碰到張馨月底線，搞到佢公開對方留言帳號，並post出該黑粉當晚至少5條狠毒留言，反擊：「一個小姑娘嘴巴這麼惡毒，夜裡你就連發多條詛咒小孩子，你還是人？」真係佛都有火！

圖片來源：微博

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】