梅艷芳｜楊千嬅宣傳活動因乜瞬間黑面？ 《好聲音》冠軍曬珍藏梅姐CD出事

電影《梅艷芳》將於本月12日喺中港台上映，日前有份演出嘅楊千嬅同主角王丹妮於廣州宣傳造勢，更邀請到《2021中國好聲音》冠軍伍珂玥做嘉賓。現年23歲嘅伍珂玥自稱從小就喜歡梅姐，更於台上分享自己珍藏嘅梅姐CD，不過千嬅接過佢嘅CD研究一輪後面色一沉，尷尬神色收唔埋。

同場加映： MIRROR衝金│姜濤認打波有脾氣會改善 Jeremy認抽中居屋好好彩

{{hket:ul-video id="4598"}}{{/hket:ul-video}}

{{hket:inline-image name="001QyP4Ugy1gw5i5irapdj61hc0zkjxl02.jpg"}}{{/hket:inline-image}}

楊千嬅、主角王丹妮及監製江志強近日奔走內地各大城市為《梅艷芳》造勢。嘉賓伍珂玥上台自稱係梅姐忠實粉絲，大曬自己珍藏嘅梅姐CD同大家分享，並表示：「有些碟子比我年紀還要大，小時候家裹有梅姐碟子是一件引以為傲的事情，梅姐在我的生命當中是一個完美的存在，她更是我音樂道路上的引路人」。千嬅同旁邊嘅王丹妮及監製江志強齊齊欣賞，楊千嬅似乎發現CD並非正版出品，嚇到立即臉色一沉，急急向台下打眼色，工作人員隨即上台清走CD化解危機，而楊千嬅亦逐漸回復笑容，事後有關片段喺網上瘋傳！網民都發現千嬅突然黑面，就研究片中CD，留言：「全部CD都係老翻碟」、「羅湖啲老翻嚟」、「今次千嬅幾smart，成功化解公關災難」等等。

伍珂玥自稱從小喜歡聽粵語流行音樂，最喜歡嘅歌星係梅艷芳。2021年7月30日，亮相《2021中國好聲音》，在盲選階段演唱梅艷芳歌曲《蔓珠莎華》，獲得八轉，加入導師李克勤戰隊，最終晉級五強，並在總決賽合唱《月半小夜曲》和獨唱《最愛》後贏得年度總冠軍。唔知佢自己又知唔知道自己聽咗咁多年都係老翻呢？

圖片來源：微博