單立文申請樂悠卡享耆英優惠 滕麗名蘇韻姿敬老笑騎騎合照

早兩年已經「登六」嘅豹哥單立文早喺80年代已經入行，近年憑《愛．回家之開心速遞》成功入屋，廣為電視觀眾認識。雖然已經係「長者」，但豹哥鏡頭前後都好鬼馬，打扮亦好緊貼潮流又有型，予人感覺非常Young兼夾有品味！不過日前滕麗名同蘇韻姿post出一張合照，就令豹哥嘅有型佬味瞬間變藥油味。

同場加映： 【娛樂直擊】陳柏宇下月開紅館演唱會 囡囡Abi上台爭咪？

{{hket:ul-video id="4554"}}{{/hket:ul-video}}

{{hket:inline-image name="240448006_279352706859822_4280350603283954139_n.jpg"}}{{/hket:inline-image}}

近日港府為60歲以上長者提供「樂悠咭」個人八達通卡，持咭人可以每程2元的優惠票價，使用指定公共交通工具及服務。已經60有2嘅單立文都有善用福行，領取咗佢嘅樂悠咭。滕麗名同蘇韻姿揸住所有豹哥嘜頭嘅樂悠咭，笑騎騎合照，滕麗名留言:「多謝阿叔請食飯。」原來豪氣嘅豹哥拎咗卡之後請二人食飯，但就被兩個「姪女」「恩將仇報」公開年齡。

不過其實最緊要都係冇人睇得出豹哥已經係「長者」，好多網民都睇豹哥大，但就為佢已經62歲感到非常都驚訝，留言：「怕唔怕會畀職員趕落車呀！」、「對佢嘅印象仲停留咗喺『侯賽因』階段。」、「點解個樣同佢以前拍電影時一樣，完全唔識老！」大家都話好想睇到咁有活力嘅豹哥，繼續做多啲歡樂嘅幕前演出呀！

撰文：黃蘊姿