馬國明被爆訂製婚戒做「老襯」 湯洛雯明年結婚榮升馬太？

現年47歲的馬國明（馬明）與黃心穎分手後，曾被傳媒拍到他到訪34歲的湯洛雯（靚湯）的香閨，其後，兩人在去年6月，在社交平台貼出獨角獸蹺實小馬相，更大方直認戀情，馬明當時透露已見過雙方的父母，直言媽媽很喜歡靚湯，而靚湯的爸爸湯鎮宗亦十分滿意這位「未來女婿」，給他100分，大讚馬明有禮貌，為人踏實。

同場加映：【娛樂直擊】陳柏宇下月開紅館演唱會 囡囡Abi上台爭咪？

{{hket:ul-video id="4554"}}{{/hket:ul-video}}

{{hket:inline-image name="10.jpg"}}{{/hket:inline-image}}

外界一直看好的他們，更被fans催婚，靚湯被稱呼做「馬太」，有fans更表示「我一家都勁鍾意你哋呢對呀，一定要好好行落去，快點結婚結婚。」今日就有報道，指馬明已在卡地亞訂製婚戒，更趕在明年結婚，《晴報》今早聯絡馬明，他否認此事，並說：「幾好笑，可能我有劇出街，可能大家幫我做啲新聞，Thank You大家嘅關心，其實我哋之間都講過，我哋有啲咩都會講，唔需要大家去估，不過唔緊要啦，當宣傳啦，希望大家繼續睇我而家出緊街嘅劇集，希望大家支持！」再問到有沒有結婚計劃?馬明續說：「呢排好忙，一個（劇）接一個（劇），佢都忙，佢嚟緊都開劇，總之有啲咩，我哋會同大家講，大家唔需要幫我哋猜測，Thank You！」至於有傳他與靚湯搬去將軍澳新愛巢同居，馬明則笑說：「突然多咁新聞嘅，可能真係有劇出緊。」至於問到「大哥」鄭嘉穎可有收到喜訊？他表示：「我唔知喎，完全冇聽過，（去買戒指喎？）唔一定結婚嘅，我都冇聽佢提過，呢啲問返佢本人啦。（佢有冇同你度期?）佢出聲先啦，本人講先算數嘅。」

2021年新年快樂│湯洛雯開綠燈只要一個條件即嫁 馬國明娶老婆9日後自有分曉【下一頁】

其實靚湯與馬明拍拖後，大讚男友有很多優點，孝順、善良、冷靜、成熟、穩重，能夠給她安全感，而且兩人都是佛系、夠宅及孝順，有共同話題，還冧爆承認大家都是以結婚為目標，更視對方為一生一世的對象。之後，兩人不時被傳出會閃婚，又指靚湯懷孕，靚湯當時回應傳媒：「梗係冇啦，點會咁快！承認拍拖、閃婚到有喜，一日發生咁多會唔會太快。」她表示可能穿了緊身衫，才給人有懷孕的錯覺。

失憶24小時│湯洛雯佩服媽媽做爸爸湯鎮宗頭號粉絲 「我要對象條件唔可以比爸爸差」【下一頁】

{{hket:inline-image name="18.jpg"}}{{/hket:inline-image}}

{{hket:inline-image name="19.jpg"}}{{/hket:inline-image}}

{{hket:inline-image name="20.jpg"}}{{/hket:inline-image}}

去年9月，馬明在湯靚的IG post第一時間留言，被好友蕭正楠獲讚：「嘩！呢啲老公邊度搵?sorry sorry男朋友先啱！」因而傳出兩人已秘婚，但其後遭馬明否認：「係阿蕭講笑啫，如果我結婚嘅話會話畀大家知。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】