何猷君添「掌上明珠」地位再下降 三年抱兩湊成好字：地球歡迎你

已故賭王何鴻燊四房兒子何猷君，2019年「奉子」向內地超模奚夢瑤求婚，二人同年結婚並誕下兒子何廣燊（Ronaldo），係何鴻燊首名內男孫，Ronaldo可以話係萬千寵愛在一身，而何鴻燊亦總算喺病逝前完成抱孫願望。夫妻二人今年母親節宣布再次懷孕，而原來第二胎已經呱呱墜地，湊成一個「好」字！

同場加映：【娛樂直擊】陳柏宇下月開紅館演唱會 囡囡Abi上台爭咪？

{{hket:ul-video id="4554"}}{{/hket:ul-video}}

{{hket:inline-image name="123.jpg"}}{{/hket:inline-image}}

何猷君同奚夢瑤不時公開放閃，又齊齊上內地綜藝節目《幸福三重奏》曬恩愛，奚夢瑤喺今年母親節宣布懷第2胎時，猷君甜蜜自嘲喺家中地位又下降。何猷君表哥王厚杰噚日率先喺微博爆表姪女已經出咗世，留言：「歡迎Romee來到這個世界。」有網民問佢係咪恭喜奚夢瑤生咗「妹妹」，王厚杰回應：「妹妹對」，間接幫何猷君夫妻宣布喜訊。

今早約11點半，猷君同老婆都喺微博貼出一張四隻手疊住嘅合照，宣布B女Romee出世，奚夢瑤留言：「大家好呀，小朋友現在還有點害羞。」何猷君立即留言發表愛的宣言多謝老婆：「辛苦老婆，愛你，愛你們，現在超激動超開心超幸福。」猷君之後亦宣布女兒出世：「我們的掌上明珠，地球歡迎你！—— 媽媽哥哥和爸爸。​​」

圖片來源：微博

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：黃蘊姿