梁齊昕感慨爆當年「病態瘦」原因 最輕僅37kg：仍覺得自己很「巨型」

剛剛過去嘅萬聖節，一啲「嘩鬼」裝扮喺網上瘋狂「洗版」！講到香港萬聖節嘅經典大事件，不得不諗起現任全國政協副主席、前特首梁振英嘅女兒梁齊昕，2015年同媽媽唐青儀喺蘭桂坊口角兼動武；齊昕當年夜蒲期間畀阿媽捉返屋企，更爆出一句：「You know this mom is not actually my biological mom?（你知道這位母親並非我的親生母親嗎？）」拉扯下又掌摑咗母親一下，事件可以話非常轟動。

同場加映： 林正峰游嘉欣出身基層望回饋家人 「呢個時代好難搵到夢想同目標」

{{hket:ul-video id="4525"}}{{/hket:ul-video}}

{{hket:inline-image name="156380_4.jpg"}}{{/hket:inline-image}}

如今事過境遷，齊昕今年嘅萬聖節冇再去蒲，見佢嘅日常生活都非常樸實，弄狗為樂。昨日佢喺社交平台post自己當年激瘦嘅相片，感慨道出當年「病態瘦」嘅原因，表示︰「To this day I get asked by people all the time, “Why were you so thin back then?”and“Were you never hungry?“Truth is I had so much going on in my life that there was little room for hunger and nourishment.At my lowest I weighed 37-38kg but I don’t have pictures of myself at that weight because I thought I was ‘big’.As I’m typing this I’m fantasising about a McSpicy Chicken Filet mmm.Where the nearest Macky D’s at?（時至今日，總有人問我「你當年怎麼這麼瘦？」和「你從不餓嗎？」事實是我的生活中發生了太多事情，幾乎沒有飢餓和營養的空間。我最輕時體重約為37-38公斤，但我沒有這個時候的照片，因為我認為我很「巨型」。當我打字這段文字時，我幻想著一個脆辣雞腿包。最近的快餐店在哪裡？）」

唔少網民都樂見佢而家已經回復正常體型，留言為佢打氣，說道︰「唔好畀自己咁瘦！老來多病痛」、「沒有任何嘢比自己健康更重要」、「任何人都要愛自己多一些」、「適中就係最好」、「你而家好靚，仲要自己想食咩就可以食咩」等等。

齊昕當年一直有情緒問題，試過清晨於社交平台連發多則帖文，指遭母親梁唐青儀以粗口辱罵並動粗，及後留下一句「Bye Home」，並將一則「Leaving Home Forever」帖文置頂，似乎要離家出走。梁振英後來回應傳媒時稱，雖然女兒從英國停學回港後，作為父母可以從旁照顧，惟女兒面對相當大的生活壓力，加上禮賓府公務多、活動多，不利佢休息導致情緒起伏，又說：「天下父母心，只有子女口中不是的父母，從來無父母口中不是的仔女。」2016年身為時任行政長官嘅佢更表明唔會參加下屆行政長官選舉，因為佢必須照顧家庭一段時間，做出負責任嘅選擇。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：黃蘊姿