張利華容光煥發外形再升級 離婚後生活多姿多彩似名媛

現年54歲嘅魏駿傑喺2008年同比佢年輕20年嘅重慶大學生張利華註冊結婚，並育有一女。自2015年起，二人屢傳婚變，張利華更與單車手鄧宏業傳出緋聞。去年張利華再被發現同外籍銀行家交往，張利華向傳媒指夫婦關係早已名存實亡，暗示同魏駿傑已經5、6年冇性生活；同年二人離婚，離婚後由魏駿傑撫養女兒，他指出一切以女兒為先，而張利華就唔排除會再婚。

{{hket:inline-image name="20200114JLC007__20200114_L_600.jpg"}}{{/hket:inline-image}}

魏駿傑離婚後直言前妻嫌棄佢悶，佢指自己嘅心思只係去晒阿女度，所以佢冇怪前妻，而係自己忽略咗對方。而張利華「重獲」自由後，冇咗人妻身份嘅枷鎖，34歲嘅佢好似重獲新生一樣，生活比起以前更加精彩。好動嘅佢會去打高爾夫球、打網球、踩單車、wakesurf同行山等；不時都會去奢侈品牌舉行嘅活動同一啲名媛派對，而身上嘅首飾同服裝、手袋同樣價值不菲，一身行頭似足名流闊太。

都有唔少網民聚焦喺佢又再升級嘅外形上，熱愛運動嘅佢身形keep住咁纖瘦，穿上泳衣一啲贅肉都搵唔到，同時上圍好豐滿，不時大曬S身形。而佢嘅五官都變得更加精緻，鼻高高，面又再V咗、嘴唇更加豐厚，雙眼都比以前更加精靈，網民留言「唔講真係認唔到係同一個人」、「離婚之後好似開心咗靚咗，仲有大把世界」，祝福佢同魏駿傑都可以搵到合適大家嘅新生活啦！