羅嘉良內地扭盡六壬𢲷銀無下限 成富婆陪襯歌聲無用武之地

現年58歲嘅羅嘉良（撈家）曾三度奪得TVB視帝殊榮，近年佢已經主力發展內地市場，除咗拍劇之外，都有接好多商演活動，搵錢能力非常高！日前有網民上載一段羅嘉良演出嘅短片，直言覺得見到有啲心酸！

同場加映：林正峰游嘉欣出身基層望回饋家人 「呢個時代好難搵到夢想同目標」

{{hket:ul-video id="4525"}}{{/hket:ul-video}}

{{hket:inline-image name="Cold-Blood-Warm-Heart-2.jpg"}}{{/hket:inline-image}}

片段中羅嘉良西裝骨骨，手捧一大紮花，與一位打扮隆重嘅女士喺台上合唱，不過全程都得女方唱，撈家數次想加入都被對方窒住，只好無奈喺旁邊跟住節奏擺動身體，配合女方演出，網民感嘆三屆視帝竟然淪為陪襯，搖頭說︰「女的太搶風頭了」、「變成了富婆的伴舞」。據知片中女士係美容集團的嘅老闆娘，之前都請過何家勁等出席活動，而今次就邀羅嘉良擔任「表演嘉賓」。

其實羅嘉良之前喺抖音（TikTok）第一次live，網民已經一口咬定為「慘不忍睹」！當時撈家同內地一對網紅夫婦推銷產品，除咗拍片同粉絲分享日常生活，仲大玩「奇哥」上身，又穿上奇裝異服，更表演挑戰吞拳頭……雖然成功吸引超過88萬人關注，與此同時大家都好「同情」佢為吸like而扭盡六壬。

然而撈家做呢一切唔係為錢，事關有指佢第二任太太蘇岩家底豐厚，現時居於北京複式大別墅；家居以歐式復古風格調，設有自家庭院，生活相當寫意！

撰文：黃蘊姿