40歲阿嬌斥5位數買日常護膚品 有「容貌焦慮」為Keep靚樣暴肥？

現年40歲嘅阿嬌（鍾欣潼）2018年閃嫁細佢8年嘅台灣「醫界王陽明」賴弘國，不料婚姻僅維持14個月，去年5月正式離婚。阿嬌自與賴弘國離婚，除咗其心情備受外界關注之外，佢嘅「橡皮」身形都非常引人注目！先前她參加真人騷節目《怦然心動20歲》時非常圓潤，當時阿Sa幫口，指阿嬌只係荷爾蒙失調，後來喺唔少工作照見到佢清減番唔少。

同場加映：林正峰游嘉欣出身基層望回饋家人 「呢個時代好難搵到夢想同目標」

{{hket:ul-video id="4525"}}{{/hket:ul-video}}

{{hket:inline-image name="163538539924073_P14424646.jpg"}}{{/hket:inline-image}}

近日，阿嬌同內地網紅「一枝南南」合作拍片，邀請對方到佢嘅上海大宅傾偈。只見阿嬌第一次曝光嘅豪宅相當典雅，整體以白色簡約設計為主，予人相當舒適的嘅感覺。阿嬌喺片中一一介紹自己嘅護膚品，透露總價值達5位數，旁邊嘅「一枝南南」聽到都嚇到！阿嬌坦承自己有「容貌焦慮」，因此相當注重護膚與外貌。

今次阿嬌出鏡睇落都係有啲腫，問到佢凍齡嘅秘訣，佢就忍唔住自嘲一番，「因為我好像個氣球，又胖又瘦又胖又瘦。」阿嬌嘅意思相信係話自己訓練緊皮膚嘅彈性，真係一如以往，語不驚人誓不休。

阿嬌有「容貌焦慮」都不無原因，因為片段一出，阿嬌外形又再成為討論焦點，網民你一言我一語說︰「阿嬌最近有點胖了」、「為甚麼我get不到阿嬌的顏值？還沒南南好看的感覺」、「發胖了的嬌」、「嬌肥了，雙目比以前無神。看起來還老了很多」。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：黃蘊姿