楊明炒車案纏身出庭面如死灰 飲宴終露鬼馬表情疑盡興歎紅酒

楊明去年8月於半山馬己仙峽道「炒車」撞毀八十年歷史石牆，被警方控以「拒絕提供血液樣本以作化驗」、「不小心駕駛」及「車窗玻璃透光度不足」3項罪名。他早前承認第2及第3項控罪，「拒絕提供血液樣本以作化驗」罪名則不成立，原須還押候判，及後辯方律師指當初向楊明提供法律意見時，令對方誤以為不會還押及判監，故推翻兩項控罪的認罪答辯，獲法庭批准。

同場加映：張松枝16歲被捧為卡拉OK王子 感激古天樂幫助度過事業樽頸

{{hket:ul-video id="4453"}}{{/hket:ul-video}}

{{hket:inline-image name="28397badd6b957a59c61e52d9492933d.jpg"}}{{/hket:inline-image}}

案件日前在東區裁判法院審判，兩項控罪覆核申請敗訴，維持原判。辯方求情希望判處非監禁式刑罰，裁判官鄧少雄將案件押後至11月4日判刑。楊明當日由女友莊思明陪同下現身法院，身形暴肥嘅佢一臉憔悴，面露疲態，求情時更面如死灰，緊張「玩手指」。

不過事隔兩日後，楊明收拾心情同女友莊思明出席友人婚宴。從社交平台嘅片段所見，同場仲有高海寧、蔡思貝、黃建東等藝人。影片中楊明坐喺黃建東身旁談笑風生，睇落心情心情輕鬆！仲面對鏡頭「做鬼臉」，酒杯有半滿嘅紅色飲料，疑似歎紅酒盡興而歸。

莊思明事後代男友回覆事件，指呢日係佢哋好朋友嫁女喜事，指男友當晚都非常檢點，「人一生會有好多高低起伏，但無可能因為自己嘅逆境就影響別人嘅一生幸福！大家都咁大個人啦，好朋友嫁女係開心事，我哋都因為對方而好開心，冇必要為我哋嘅事而影響到個婚禮！」