冰島潮什麼｜梁芷珮親解講嘢急怕被人話嘈 兩公婆無懼疫情開旅行社

梁芷珮（Christy）兩公婆製作的《冰島潮什麼》昨晚（18日）首播，身處黑山共和國（Montenegro）的她在節目出街後，趁拍攝空檔開Live跟網民對話，不停追問大家的意見，很擔心自己做主持會很嘈，節目時間是否太長；期間又認他們已攞牌開旅行社，希望能夠發展成為終身事業。

{{hket:inline-image name="10191002.jpg"}}{{/hket:inline-image}}

{{hket:inline-image name="imchristyleung_246125121_559173218473574_688138957574876082_n.jpg"}}{{/hket:inline-image}}

同場加映：【娛樂直擊】李佳芯開新劇竟然有個17歲仔？ 吳偉豪執二攤頂替黃奕斌演出

{{hket:ul-video id="4421"}}{{/hket:ul-video}}

梁芷珮好緊張網民睇完節目反應，不停問大家好唔好睇，擔心自己在節目內說話太嘈呀，她說：「會唔會太嘈？有時睇到網上comment，成日話唔鍾意我把聲，又話我好嘈，我都好驚。因為大家成日聽到我嗌，剪片時都諗係咪嗌多咗，但係譬如我玩zipline（空中飛索），唔嗌唔得，唔通合埋口好唔興奮，咁樣唔得，所以就嗌。」她解釋很驚被人話把聲唔好聽、好煩及講嘢快，承認有時是講嘢快，因為不是跟稿讀，例如介紹餐廳時會請負責人將所知告訴她，然後全部資料記晒入腦，拍攝時就一輪咀講出來，如果講太慢怕忘記及講錯，老公見太快會cut機叫再講過，「會盡量聽取意見，有時把聲係天生，好難改到我把聲冇咁煩。」

又《潮什麼》？｜梁芷珮孖老公再飛克羅地亞拍攝 靠隔離狂剪片 冰島篇下周播【下一頁】

原來節目最初構思是播10集，無綫卻濃縮為6集，「10點半係我自己鍾意喺屋企睇電視嘅時間，呢個時間播我啲嘢令我好緊張……，（第一集）火山爆發真係好獨特，今次趕到去拍火山係超開心，其實係去咗拍2日，第1日係冇火山爆發，第2日拍咗幾個環節，正想返去休息嗰陣，導遊打畀我話火山爆發，於是我哋就衝過去，咁就拍到嗰個情景。」

潮什麼│梁芷珮一解封即飛冰島拍攝 與老公浸天然溫泉曬弗爆Body【下一頁】

提到跟團去冰島旅遊是否較便宜時，梁芷珮就講到自己開了一間旅行社，因被傳媒訪問才公開，「因為疫情啲人都去唔到旅行，公開嚟做咩呢？但係因為最近有記者問我，佢哋find out到我開咗間旅行社，問到就答佢哋『係呀，真係攞咗牌，係可以搞團。』，但都無用啦，你哋都未飛得。（祝越做越大？）多謝，冇乜所謂，其實我冇話要做得大，只不過好enjoy同鍾意我嘅人、鍾意睇我嘅節目嘅人一齊去旅行，呢個可以係一個career（事業），成日都講做電視拍《潮什麼》，尤其是我就嚟40歲，唔覺得自己可以做好耐，我都要有份職業，係咪先？咁就膽粗粗同老公喺疫情開咗間旅行社，希望可以係我哋嘅終身事業。（親自帶團？）係呀，我之前已經帶咗3團，但唔係用我旅行社名義帶團，係同其他旅行社合作，而家就正式可以用我自己名義去帶團。」

（↓點擊放大睇圖片↓）

此外，梁芷珮在《冰島潮什麼》今明兩集節目內，會分享上天下海的難忘旅程，介紹極具特式的溫泉及冰島人「喜愛飲湯」的文化外，又會到冰川湖潮玩獨木舟及橡皮艇，深入冰島南部維克的「冰洞穴」進行探險，並挑戰長達半小時的滑翔傘飛行體驗。

撰文：梁榮達

同場加映：新派韓式素食嚐時令蔬果料理 秋日精緻下午茶健康時尚兼備

{{hket:ul-video id="4406"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】