結婚3周年｜陳展鵬幫老婆長大嚴夫出賢妻？ 單文柔有「投訴」：你不算很寵我

陳展鵬同單文柔2018年10月奉女成婚，翌年4月誕下可愛囡囡「小豬比」，夫妻不時都會post家庭照放閃，幸福程度真係恨死隔籬。眨吓眼二人已經結婚3年，日前陳展鵬一早就喺IG上載囡囡「小豬比」聽電話嘅相片，搞笑扮囡囡留言：「唔好意思！請大家唔好阻住佢哋，今晚係我爹哋媽咪結婚周年紀念，有咩事請留低口訊，佢哋遲啲會覆你！」非常sweet呀！

{{hket:inline-image name="245549767_423605765852366_7266456808839609698_n.jpg"}}{{/hket:inline-image}}

而單文柔就喺當日post出多張靚靚結婚相，留言感激老公令她的生活精彩，不過字裏行間似乎就有少少「投訴」，「把你帶到以前讀書地方，帶你去我最愛的咖啡店，謝謝你陪我拍了很多很美照片，保留了好多美好回憶。感恩遇到你，一直帶領著我，由女孩到女人再成為媽媽。你不算很寵我，但教會我很多東西，鼓勵我嘗試新挑戰，看待一件事情要多角度同立體化，這三年多生活很精彩。Happy 3rd Anniversary.」

唔少人大讚二人嘅結婚相好靚，幸福仲由內散發出嚟，網民表示：「真美，由心笑出嚟嘅快樂。」都有人留意到單文柔一句「你不算很寵我」，擔心陳展鵬掛住佢錫寶貝女「小豬比」忽略老婆，留言：「老婆係要嚟錫呀！如果老婆事事都可以自己解決，仲要另一半嚟做咩？」不過都有好多人話陳展鵬想老婆成長，係唔想佢太過依賴，認為︰「幸福來自互相尊重，關顧及提醒，祝願你們永遠把持這要素，永遠幸福。」

圖片來源：Instagram