黃智雯突擊搜袋｜馬國明返工「百寶袋」專業又勤力 「古老石山」長期帶呢幾樣嘢……

黃智雯（Mandy）早喺7年前已經開設咗佢嘅YouTube頻道，不過一直都處於閒置狀態，今年佢又開始拍番片同大家分享熒幕以外嘅趣事。噚日黃智雯上載短片《突擊搜包包｜小馬芷若再合體｜趙希洛揭發我係接吻高手!?》，喺《把關者們》中演「Madam Kwan」入晒血嘅佢，喺新片中就突擊搜查電視城「可疑人物」嘅袋，睇佢哋身上有冇違禁品同一啲唔見得光嘅嘢！

同場加映： 做手術除膿｜寶珮如拍劇突然面癱憂中風 全身麻醉留陰影：好驚醒唔番

{{hket:ul-video id="4383"}}{{/hket:ul-video}}

第一位被截查嘅「可疑人物」係同黃智雯老友鬼鬼嘅馬國明，馬國明個袋就咁睇都已經覺得好有分量，而且容量仲好大，成個「百寶袋」咁！黃智雯先搜出一本筆記簿，馬國明嘅筆記簿上寫滿notes，黃智雯開頭都大惑不解，不過之後就記起佢一直都有「做功課」習慣：「你睇馬國明幾勤力！我記得當年你有個花名叫『簿仔明』，好似係三哥（苗僑偉）改，話你做晒功課，每集每個分場都會寫低，你係咪每套劇一本記事簿？」馬國明承認一劇一筆記簿，冇因為已經入行廿二年惰怠，真係非常專業又勤力！

{{hket:inline-image name="10.JPG"}}{{/hket:inline-image}}

除咗筆記簿，馬國明袋中仲有汽車雜誌同防疫袋，防疫袋中更加有3包濕紙巾，有備無患！不過最「古老石山」都係袋入面有記事簿同筆袋，馬明話要記低自己嘅工作日程，智雯直指而家已經冇人會咁做，大家都記喺手機，馬明就話:「如果電話冇電點算呀，電話壞咗又點算呀。」而筆記簿中仲夾住幾張珍貴嘅相，不過就唔係佢同靚湯嘅合照，而係佢姪仔嘅相；另外又搜出大量「丸仔」，馬明話係佢一直都有搵醫生開嘅supplement，非常養生！黃智雯大讚佢念舊又整齊，對佢刮目相看，到底馬明平時喺朋友心目中有幾「褦襶（呢啡）」呢？

之後黃智雯又截查趙希洛，趙希洛嘅小手袋冇咩特別，佢反而反客為主搜查黃智雯手袋，發現智雯手袋中除有香水，還有漱口水和大量香口糖，搞到趙希洛笑佢：「你好臭咩」、「你真係好多接吻戲」，而黃智雯就解釋因為驚同自己拍戲嘅人有臭汗味，佢就會用香水嚟噴對方。至於點解身上有咁多香口糖，原來係身邊成日都有朋友問佢有冇糖仔喺身，佢就養成咗隨身帶糖仔嚟「招呼」朋友嘅習慣，非常sweet呀！

圖片來源：YouTube截圖

同場加映： Sick問識答︳子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】