Stephen．傾丨羅敏莊被同事無禮對待劈炮離巢「應該唔只我一個受呢樣嘢」

46歲的羅敏莊，表示自小就喜歡唱歌，3歲已經識唱《上海灘》，她昨晚接受陳志雲網上節目《Stephen．傾》訪問，透露小時候跟爸爸媽媽去酒廊，看到台上歌手唱歌了得，又能帶給大家歡樂，心想自己將來長大成人，做酒廊歌手也許不錯。

同場加映：炎明熹感激家人沒強加期望添壓力 做歌手學會珍惜機遇先苦後甜

{{hket:ul-video id="4410"}}{{/hket:ul-video}}

{{hket:inline-image name="15.jpg"}}{{/hket:inline-image}}

{{hket:inline-image name="10.jpg"}}{{/hket:inline-image}}

提到女兒陳禛，羅敏莊笑言當年是意外懷孕，一直只想過二人世界，「同朋友傾開偈，都話好難有，咁我哋年紀差不多，所以以為可以大解放。」陳志雲問她：「點解唔避孕?」羅敏莊笑說：「就係諗住大解放吖嘛，我生小朋友嗰陣係38歲。」她憶述得知懷孕時，正值籌辦她的第一次個人演唱會，老公陳國邦在內地拍劇，「綵排嗰段期間，我成日都好肚餓，當時有個記者訪問我，佢見我咁樣食法……就好似當年佢有咗一樣，佢叫我check吓！我見『親戚』又未到，叫經理人幫我買龜苓膏，個記者叫我『唔好住，你check咗先！』咁我就叫經理人唔好買，幫我買支驗孕棒，點知一驗，真係有咗！當時冇乜特別感覺，因為我搞緊演唱會，打電話畀老公，佢都好冷靜，話『係咩？咁你想要仔定要女？』大家嘅對話都好冷淡，冇乜特別。」

羅敏莊移民泰國做足三大準備 勸掂陳國邦通波仔帶囡曼谷升學【下一頁】

{{hket:inline-image name="50.jpg"}}{{/hket:inline-image}}

羅敏莊指自己的兒時偶像是林海峰，所以女兒陳禛的英文名亦用了對方的英文名Jan，羅敏莊說：「我好細個就鍾意林海峰，我喺商台門口留咗好多腳毛，成日喺出面追星！為咗見偶像，特登參加商台歌唱比賽，打電話去唱歌，個個節目都唔揀，我一定打去林海峰個節目唱畀佢聽，我記得佢嘅評論係『你好肥㗎？好有中氣，把聲好似好肥嗰啲人。』我話唔係，我細個好瘦，最後我贏咗，獎品係一部walkman。」

不斷參加歌唱比賽，入行做歌手，可惜當年與經理人鬧翻，亦幸運地，好友李志剛、梁梓禧游說她入港台做助理，她說：「聽電話、派禮物，有段時間係覺得委屈，同期歌手嚟到（港台），『點解你會喺度嘅？點解你要做聽電話？』係有呢啲委屈，無端端會暱埋喊，喺電視睇到啲人唱歌，但走晒音，點解佢哋會得㗎？咁我又喊喇！覺得自己有啲問題，但冇睇醫生，因為好貴。」

{{hket:inline-image name="51.jpg"}}{{/hket:inline-image}}

【過山車人生】羅敏莊當年風光因2件事斷星途 靠老公陳國邦和一知己撐住【下一頁】

後來加入TVB，負責主持《Sunday新地帶》和《K-100》，又有綜藝節目的工作，羅敏莊笑說：「爆騷爆到九彩！」TVB前高層的陳志雲即說：「爆騷爆到咁，就應該唔會畀你做住。」她續說：「《K-100》係一個大節目，仲有細嘅《K-100》，係報吓當日節目有啲咩，呢啲都計半個騷，甚至乎計一個騷，所以爆到七彩！一個月40幾個騷，人都癲。有個高層話『你就係爆騷爆到好勁嗰個羅敏莊吖嘛？』我知不妙，之後原來減騷錢，如果做唔夠15分鐘、半個鐘，係計0.2個騷，咁就冇咁一半，由40幾個騷變咗20個騷，甚至乎更少；但我又冇唔開心，老實講，我當時心態TVB係一個我出鏡嘅機會，宣傳自己嘅平台，真正嘅錢係喺出面搵（司儀及唱歌工作）……我第一層樓，係靠出面慢慢搵返嚟，直至疫情之前，我都搵緊好多。」

{{hket:inline-image name="52.jpg"}}{{/hket:inline-image}}

{{hket:inline-image name="53.jpg"}}{{/hket:inline-image}}

【愛回家】陳國邦做TVB捱足28年無回報 因一事紅遍海外 離巢做老師【下一頁】

陳志雲問及她離開TVB的原因，羅敏莊指當時生完小朋友，停工一年。一日，她收到藝員部同事的來電，對方指她欠公司騷錢，她有感這位同事的態度很差，「未必關個台事，而係呢位同事嘅態度，令到啲同事好唔開心！我都係意氣用事，我話出年唔簽（不續約）……咁樣我就了解到，唔怪得之有咁多同事聽完電話會咁嬲，可能就係某啲人講咗某啲說話而令某啲人好嬲，應該唔只我一個受呢樣嘢！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

同場加映：新派韓式素食嚐時令蔬果料理 秋日精緻下午茶健康時尚兼備

{{hket:ul-video id="4406"}}{{/hket:ul-video}}