周柏豪女首露正面精靈眼似媽媽 人父感觸：有天她會有自己的世界

周柏豪出晒名係圈中嘅廿四孝爸爸，早前佢透露就快要去到內地拍劇，要同寶貝女以及出世冇耐嘅細仔分開一段時間，非常唔捨得！所以佢趁未離開時帶大女四周圍去玩，「彌補」番自己之後唔喺香港，失去同阿女相處嘅時光。

同場加映：  做手術除膿｜寶珮如拍劇突然面癱憂中風 全身麻醉留陰影：好驚醒唔番

{{hket:ul-video id="4383"}}{{/hket:ul-video}}

柏豪日前同囡囡芯悅到海邊「拍拖」，身為潮人嘅寶貝女當然都唔可以「失禮」，芯悅戴上一頂米色帽仔襯連身裙，同爸爸一齊靠喺石壆欣賞海景，又白又胖嘟嘟嘅小手真係睇見都見咬一啖！而企旁邊嘅柏豪仲笑到腰果眼，成個構圖都勁溫馨呀！

{{hket:inline-image name="9b36a0eb-f43f-4d92-ad3c-4521d39c4c0b.jpg"}}{{/hket:inline-image}}

昨日柏豪又同囡囡「拍拖」去迪士尼主題樂園，芯悅紮起辮仔再穿上紫色格仔裙，爸爸抱住佢喺城堡前拍照，難得見到芯悅正面靚女樣，精靈大眼似足媽咪，柏豪留言：「I can show you the world.（帶你去看世界）」盡現暖男爸爸嘅愛；Jessica@SG留言：「U can give her the world.（你可以給她全世界）」柏豪mood到，感觸回覆：「But one day she has her own world.（但終有一天她會有自己的世界）」發揮佢大文豪傷春悲秋嘅本色！

之後柏豪都post咗多個IG story，公開對女兒嘅愛，話佢係「My Real Lover.（我真正的愛人）」，sweet爆話：「你快樂所以我快樂！」前世情人真係唔係浪得虛名，唔知媽媽會唔會呷醋呢？

圖片來源：Instagram

同場加映：Sick問識答︳子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}