MIRROR廣告牌前影婚紗相遭公審？ 新郎拎「前夫」手幅被嘲「男人之恥」

MIRROR粉絲嘅老公因為「頂唔順」老婆嘅瘋狂追星行為，約半年前有其中一名老公喺Facebook開咗個名為「我老婆嫁左比Mirror導致婚姻破裂關注組」嘅群組，畀一眾「苦主」圍爐吐苦水。群組開咗冇耐就大熱，仲有好多自稱「前夫」嘅男士加入，當然亦引到一班老婆同花生友入谷睇熱鬧。

同場加映：MIRROR正副隊長｜AK Lokman舞蹈員出身無悔做歌手 「有時候呢種攰都係一種幸福」

{{hket:ul-video id="4342"}}{{/hket:ul-video}}

呢班老公喺群組裡面分享嘅事都頗為瘋狂，有人形容呢班老婆係精神出軌；又有人讚呢班老公支持老婆追星係好男人。群組苦主更上埋《晚吹–又要威 又要戴頭盔》 大數「前妻」出軌經歷！有人分享自己老婆係Jeremy嘅Fans，當Jeremy的新歌《夢言》一出之時，老婆就開始洗腦式播放新歌，一日24小時播足18小時；另外，有谷友成功帶女朋友前往MIRROR演唱會後台與12子影相，但最後男友被P走，就係為咗相中嘅女朋友可以企姜B隔籬……不過以上嘅都只係小兒科，今日（11日）就有一對新人嘅婚紗照被放上討論區，唔少人都鬧新郎呀，到底咩事呢？

有人喺討論區以「結婚結到咁樣，個新郎知唔知醜？」為題開post，post裡面見到一對新人喺MIRROR廣告牌前面影婚紗相，相中嘅佢哋都笑得好開心。驟眼睇好似冇咩問題，不過睇真啲，原來新郎哥手上拎住一張banner放胸前，banner上面寫住「前夫」二字，更有一個箭咀向上指。此post一出即刻引起大家熱烈討論，唔少人都係嘲笑新郎係「男人之恥」，覺得佢呢個行為好冇尊嚴：「咁都得？講笑唔係咁講，如果掉返轉要新娘咁做一定嬲死」、「冇張白紙都可以解畫，有張白紙同戴綠帽有咩分別」，仲話非常之大吉利是，「結婚當日預言會離婚，如果長輩見到都唔知點諗。」不過都有人撐呢個係一對新人自己嘅相處方式，佢哋自己接受到就ok：「兩個人之間嘅相處方式，關你哋咩事？」大家又點睇呢？

同場加映：Sick問識答︳子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】