舊日的足跡│吳麗珠難忘當年扮章小蕙收律師信 細談與陳百燊許冠武兩段感情

吳麗珠（珠女）闊別娛樂圈多年，她近日接受車淑梅的電台節目《舊日的足跡》訪問，提到當年她在《歡樂今宵》模仿不同的演藝名人，「扮嘢」能力絕對千變萬化，其中扮章小蕙令大家留下深刻印象。珠女憶述：「當年就快出場仲未有頭緒，佢好靚女， 講嘢好斯文，仲有一分鐘（出場），我先諗起佢嘅大眼睛有少少『對』，於是我做誇張啲啲，出嚟效果好好， 笑到佢哋肚痛。我知道後來收到律師信，公司話幫我處理，咁都冇咁驚……」後來自己轉職做地產，帶客人去淺水灣睇樓，沒想到業主正正是鍾鎮濤和章小蕙，「之前我哋係通電話（聯絡）嘅，我諗佢冇預料到我係經紀，我都冇諗過業主喺佢！最記得嗰一次，我見到佢哋，心裡面好尷尬，可能我心有屎！哈哈！」

同場加映：MIRROR正副隊長｜AK Lokman舞蹈員出身無悔做歌手 「有時候呢種攰都係一種幸福」

{{hket:ul-video id="4342"}}{{/hket:ul-video}}

總有一瓣喺左近│吳麗珠轉行做地產睇樓遇結界 路經花槽雙屍案單位竟然發生...【下一頁】

{{hket:inline-image name="hhd.jpg"}}{{/hket:inline-image}}

{{hket:inline-image name="a3--1-b-20210526024542.jpg"}}{{/hket:inline-image}}

{{hket:inline-image name="800_113607141dd0ad558992612c9dd54414.jpg"}}{{/hket:inline-image}}

珠女在訪問中大方談及她為人所知道的兩段情，正是陳百燊和許冠武。珠女剖白說：「我有好多段（感情），只係嗰兩段大家知道嘅……我唔抗拒，我見過有人70歲結婚，我未試過，可以試吓嘅。結婚唔一定等如幸福，當年同陳百燊係訓練班同學，一齊幾年，分開咗我唔想搬返屋企，當時余慕蓮（余毛）就租咗間房比我住咗一年，所以我好錫余毛，佢係我恩人。」

「至於許冠武，我哋一齊12年，應該好穩陣？可能我自己並唔係要求呢一樣嘢……（我哋拍拖）唔係阿Sam（許冠傑）介紹，因為我哋（我同許冠武）都鍾意夜蒲，鍾意飲酒，分開咗先反思原來我根本唔喜歡嗰種類型，我著重玩要投入之外，做事都要認真同有責任感。當年我哋計劃去拉斯維加斯結婚，連主婚人都約好，嗰陣我剛剛出嚟做地產，見到外面嘅世界，感到對方未必適合自己。我同佢傾，佢似乎冇乜反應，再表示我要離開嘞，佢都冇反應。仲記得我唔想佢媽媽唔開心，因為我哋同佢媽媽一齊住，於是我好似螞蟻搬家咁，每晚返去偷走一啲衣物，我唔想佢見我一日之內搬走所有嘢，因佢媽媽都錫我……後來我冇交代口嘞，我都有出席許媽媽同許冠英嘅喪禮，因為我覺得我哋兩個人嘅事，同佢嘅兄弟姊妹同媽媽冇關……」

【聚首一堂】60歲吳麗珠保養得宜艷壓全場 吳綺莉韓君婷罕有合照跌晒watt？【下一頁】

今天是梅艷芳（阿梅）58歲的生忌，珠女憶述最難忘1992年5月初那個晚上，「我同兩位女藝人照常喺《歡樂今宵》收工後，去咗九龍塘嗰間卡拉OK玩，諗唔到遇上阿梅被人掌摑嘅事……其實佢係俾人『質』咗一拳，我親眼見到！阿梅當時係由其他房間走入嚟坐低，我哋坐喺附近，嗰個人由另外一間房氣沖沖走入嚟，好似話阿梅唔畀面，我當時都唔知發生咩事，我哋驚到叫走……我冇叫阿梅一齊走，因為我見好似有人幫佢解決。事出突然，我驚到開車都腳軟！後來，九龍城差館叫我哋去落口供，我真係好擔心阿梅……」珠女坦言：「再見番阿梅我冇再提起，知道佢去咗泰國一排，再出番嚟應該已經係解決咗件事。」

珠女續說︰「阿梅真係好好心地，佢份人好豪情，平易近人，冇扮嘢，佢企係台上誰可匹敵？我聽羅君左講，佢有事阿梅就送咗一張冇銀碼嘅支票畀佢。我好佩服阿梅，佢冇白活到……我正在向佢學習。」

同場加映：筋骨痛症︳縮膊玩手機懶做運動恐致周身痛 上門按摩師警告3大不良習慣致勞損

{{hket:ul-video id="4351"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉