把關者們│黃庭鋒演消防員殉職搞喊網友 「好戲唔係一個人可以做到」

劇集《把關者們》周五（8日）播出的一集交代高級消防隊長潘浩洋（黃庭鋒飾）在火災救人的過程中，不慎遇上爆炸，被硬物擊中頭部，但仍堅持將傷者救出；剛好太太方晴朗（劉佩玥飾）正在現場，兩人四目交投一刻，沒想到浩洋即時昏迷倒地。經過治療之後，浩洋雖然一度甦醒，但最終因出現併發反應而殉職。晴朗、浩洋的媽媽（韓馬利飾）、兒子潘日進（何珀廉飾）等都難以接受他的離開，場面非常悲痛難過。

同場加映：【娛樂直擊】張小倫獲三家電視台邀請講鬼故 被問到張家朗廣告造型佢話...

{{hket:ul-video id="4335"}}{{/hket:ul-video}}

把關者們│劉佩玥乖仔瞇眼笑容迷死人 何珀廉劇接劇原來係鋼琴小王子【下一頁】

{{hket:inline-image name="BURN3.jpg"}}{{/hket:inline-image}}

{{hket:inline-image name="BIRN4.jpg"}}{{/hket:inline-image}}

{{hket:inline-image name="BURN5.jpg"}}{{/hket:inline-image}}

韓馬利喪子情緒失控的精湛演技令人動容，加上劉佩玥喊住呼天搶地大叫「老公，你唔好死……」，場面非常催淚，不少網友都跟住劇情一齊喊，「我勁眼淺 ，一睇到呢啲就眼濕濕！」、「庭鋒做到很自然兼靚仔」、「韓馬利做得好好！」、「睇到流淚」、「喊鬼死人」等等。

不過亦有網友狂鬧編劇夾硬寫死潘浩洋，為促成方晴朗往後與陳家興（陳家樂飾）的感情線，「我唔想庭鋒死呀！」、「點解要潘Sir死？」、「無啦啦就寫到死消防？」、「消防條線仲好睇過海關」、「真係唔明點解唔可以大團圓，點解要離開，劇情所需？要建立海關情緣？個人覺得不需要囉！」等等。

我要做業主2｜黃庭鋒靠台慶百萬大獎成功上車 慳家孝順仔：我平時唔使錢【下一頁】

劉佩玥為了安撫網友們的「怒火」，特別在IG分享感受：「很想送上我們這一家的相片，因為我們拍攝的時候真的很開心，才會有這麼溫馨的感覺，感謝大家喜歡我們這一家，我們的淚和你們的淚都不會白流，請一定要繼續看下去 #你們猜的結局不一定是結局」。而黃庭鋒今次戲分雖然不多，不過非常「入屋」，觀眾都讚他叻仔，演技亦大有進步，比起以往在《香港原味道》的發揮更大。不過庭鋒沒有因此而沾沾自喜，反而感激一眾對手，「這兩天收到好多訊息，大部分都同我講喊到停唔到，好感動，唔想見到我離開。真心多謝你地（哋）每一位嘅支持同埋咁投入去睇。記得第一次收到劇本時，以為自己係其中一個海關成員，點知原來演嘅係一個消防員，知道佢除左（咗）對屋企人好好之外，背後仲有一個咁嘅故事。消化完劇本之後，真正去感受哩（呢）個角色時，所有嘅畫面單憑想像已經喊左（咗）出黎（嚟）。一直以黎（嚟）都好想透過銀幕去感染同埋打動人，希望大家可以再次投入電視劇。#一場好戲 #不是一個人做到的 #是團隊 #用心去感受 #不是為戲而演 #浩洋暫別」。他先後感激劉佩玥、韓馬利和童星何珀廉，又希望觀眾可以繼續支持劇集的結局篇。

同場加映：筋骨痛症︳縮膊玩手機懶做運動恐致周身痛 上門按摩師警告3大不良習慣致勞損

{{hket:ul-video id="4351"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉