容易受傷的女人｜高海寧扭傷腳大隻救生員幫包紮 張振朗癡女上身撩男仔：你好弗呀

高海寧（高Ling）同張振朗正忙於拍新劇《童時愛上你》，日前拍攝期間高Ling不慎扭傷腳，佢喺社交平台出post，片段中見救生員細心幫佢包紮，身形弗爆嘅救生員哥仔勁搶Fo，就連張振朗都忍唔住望到流晒口水，高Ling在Instagram表示：「我沒事，腳只是輕微扭傷……重點是！你（張振朗）那流連忘返的小眼神……是想怎樣？」張振朗搞笑留言：「我開始有啲為自己……」

同場加映：【娛樂直擊】張小倫獲三家電視台邀請講鬼故 被問到張家朗廣告造型佢話...

{{hket:ul-video id="4335"}}{{/hket:ul-video}}

長髮紮辮嘅救生員哥仔睇落好不羈，皮膚黝黑而且身上冇半點贅肉，非常有型！救生員哥仔半跪半蹲幫高Ling包紮，又抬頭關心對方傷勢，十分溫柔細心，臨走前仲叫高Ling有咩問題再搵佢哋添！站在一旁嘅張振朗由頭到尾眼都唔眨，救生員哥哥臨走前仲畀佢「食豆腐」，大讚「你好弗呀」，搞到救生員哥哥都有啲怕醜！有網民留言「不齒」張振朗撩男仔行為，「你拍檔掛住讚人好fit，多過擔心你傷勢。btw，小心啲，快啲好番！」高Ling回覆話張振朗「唔止咁呀」，不過就冇進一步透露佢做咗啲咩嘞！唔知係咪拎埋電話交流健身心得呢？

{{hket:inline-image name="7.jpg"}}{{/hket:inline-image}}

其實高Ling一向自嘲係「豆腐Ling」，事關拍戲唔錫身嘅佢經常整到自己周身傷，真係擔心死一班錫佢嘅粉絲呀！2017年佢拍馬來西亞新片《福二代》時，上載腿部受傷照片，「傷痕累累，經歷甚多的一天，拍戲人生，難免有小意外，演員不矯情，最痛是撞瘀尾龍骨。」據知當時佢唔小心跌倒，咁啱附近仲要有啲石頭，當中最痛係尾龍骨位置啦！撞到大片瘀傷，行路都覺得痛。

2018馬國明同高Ling拍劇集《C9特工》，高Ling呻喺街市拍攝個人戲份時撞傷後腦兼撞瘀盤骨位，「滑板上面有兩個菜籮，自己兩隻腳都企咗入去，一拉條繩向前行就失平衡撻落地！」當時劇組即刻Call白車，高Ling跌低後都唔即刻起到身，入院後照腦掃描、X光，幸好並冇大礙仲即刻返到工添！事後高Ling睇嘢雙眼容易鬥雞，向右望又會有重影，醫生話可能撞擊影響到入面嘅神經線，但慢慢會康復。

2019年高ling拍攝劇集《網絡騙案》，一場坐電單車車尾嘅場面，令佢美腿被車尾死氣喉「辣燶」，受訪時話：「我都係第一次坐電單車車尾咋！揩一揩就傷成咁喇！好在醫生話唔太嚴重，不過佢話我知如果hold多兩秒就會連皮都冇埋！」

圖片來源：Instagram

同場加映：健康 •  晴報健康｜坐姿不良致寒背 瑜珈老師教3組動作踢走寒背

{{hket:ul-video id="4294"}}{{/hket:ul-video}}