許廷鏗宣布自立門戶「PTGF」亂入 留言討公道：搞大我個肚唔認數

歌手許廷鏗（Alfred）今年3月宣布與華納四年合約終結，有傳雙方不歡而散，不過Alfred離開華納後，亦有公開答謝公司過去嘅支持，令佢可以達成多個目標。Alfred噚晚趕及喺IG全球死機前開Live，宣布自立門戶成立公司「自許紀錄」，之後亦有重新上載佢嘅live record，留言寫：「全新自家廠牌印證新的章節」、「創作 · 開發 · 記錄」同埋「音樂 · 心靈 · 感受」，直播期間仲同fans互動兼唱歌！不過live期間就有一段小插曲，就係有一位疑似新晉演員留言表示自己係Alfred女朋友！

同場加映：【娛樂直擊】《魷魚遊戲》丨譚俊彥被封港版李政宰感尷尬 「456」成新花名：好似一路抽人水咁

{{hket:ul-video id="4325"}}{{/hket:ul-video}}

{{hket:inline-image name="1.JPG"}}{{/hket:inline-image}}

直播接近尾聲時，一位網民突然留言：「我都係明星，唔係白撞，有晒證據！仲好意思做《全民造星》導師？又背着女友偷情，又搞大我個肚唔認數，人前人後兩個樣，而家敢做唔敢認？許廷鏗你一係公開我哋情侶關係，一係公開同我道歉！唔好以為咁易甩身！唔信我嘅人，你哋記住我個名Angeltkc！同埋我個樣！等之後Alfred公開拍拖，你哋見到我個名Angeltkc同我個樣就知係我！就知我而家講嘢係事實！」

不過Alfred沒有回應，喺唱咗一首歌之後，就結束咗個直播！ 而睇返呢個留言所講嘅IG帳號，呢位自稱係「明星」嘅女子，原來係電影《#PTGF出租女友 》主角之一，戲內佢演「學生妹君怡」嘅曾嘉晴（Angel），而佢IG亦有單方面follow Alfred。Angel同Alfred到而家都未有回覆。

曾嘉晴今年剛畢業，喺大學讀banking and finance，上年在機緣巧合之下，受大學同學邀請影相，作品上傳之後開始有人邀請佢做freelance model。唔少網民都對呢位冒出嘅少女持觀望態度，又認為事後都冇其他消息感到非常奇怪；亦有網民對許廷鏗為人投以信任票，不敢相信佢做出少女所講嘅事，引用《國產零零漆》裡面嘅對白回應：「屈個盲嘅偷睇國家機密。」

{{hket:inline-image name="244385414_129449739432271_7102640200461869185_n.jpg"}}{{/hket:inline-image}}

曾嘉晴凌晨時分終於喺社交平台上水，並指當時留言嘅唔係佢本人，近日都多次被冒認兼抹黑騷擾，佢已經報警處理。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】