童你一起長大了｜譚玉瑛相隔34年重遇昔日小粉絲 當年怕醜內向女孩升呢小學校長

由譚玉瑛、黎芷珊及蓋世寶主持的《童你一起長大了》昨晚（3日）首播，安排張國強、龍炳基及陳嘉輝等大談昔日主持趣事，和重溫譚玉瑛着泳衣拍攝的片段，還大玩「尋人記」環節，找來早年參加兒童節目內遊戲環節的小朋友，跟觀眾一同「回味」過去及分享他們的近況。

{{hket:inline-image name="10041041.jpg"}}{{/hket:inline-image}}

{{hket:inline-image name="10041028.jpg"}}{{/hket:inline-image}}

同場加映：【娛樂直擊】Anson Lo做唱跳歌手曾不被看好 舞蹈員出身將心比己恩待手足

{{hket:ul-video id="4284"}}{{/hket:ul-video}}

第一集就尋回曾在1987年參與《430穿梭機》中《縱橫逐格追》家庭樂決賽的母女檔，當年只有10歲的小學生區懿華與區媽媽。工作人員從網上搜尋有關區懿華的資料時，發現她現在為一所小學的校長，最後順利與她取得聯絡，並到她現時工作的學校進行拍攝，跟其學生一齊重溫昔日上電視的片段。區懿華（Eva）如今不單是小學校長，還是三個小朋友的媽媽，「再次睇番呢條片感覺好神奇，因為成件事都係塵封嘅記憶，應該除咗我同媽咪之外，冇乜人知道我曾經參加過呢個兒童節目嘅遊戲，竟然喺幾十年後嘅今日，可以再次見番呢個片段，我從來都想像唔到。睇完之後，我覺得自己同我印象中嘅自己好相似，都係比較怕醜內向，而媽咪比較進取積極，發覺我係成個比賽過程入面都係吱吱噚，唔會主動撳掣去答問題。」

童你一起長大了│《黑白殭屍》龍炳基居美做廚師 難忘星爺一撞撮合他與太太姻緣【下一頁】

區懿華指小時候娛樂不多，除了做功課就是睇電視，自己日日都會睇譚玉瑛姐姐主持的節目，感覺十足家人一樣；她又表示當日拍攝離遠見到對方時會有種崇拜之情，而這次再見面仍有心跳加速的感覺。至於對哪位男主持有印象？她說：「張國強，佢有出過一隻兒歌的專輯，叫做《Hello K.K. 仙人島》，大部分歌都記得。」對於當年同媽媽一齊上電視，區懿華承認有點驚喜，她說：「雖然經常睇電視，但從來冇話要參加。（有冇好抗拒？）有媽咪一齊就ok，如果一個人去就未必，印象中嗰日係好緊張。」區媽媽坦言參加完比賽後，兩母女關係有所改善，因為當年要返工，二人很少機會一齊玩樂，但參與節目後女兒便知道媽媽是很錫她的。

童你一起長大了｜譚玉瑛孖張國強40年後再扮機長 感觸眼濕濕：要齊人見番真係難【下一頁】

這集安排了區懿華及區媽媽同區永權三父子再玩一次《縱橫逐格追》，讓她們重溫一次當年的回憶。區懿華賽後表示：「童年對小朋友真係好重要，一個小朋友嘅回憶我都可以記到而家，所以作為成年人真係要諗吓，我哋畀緊小朋友一個點樣嘅童年。唔好將佢哋所有時間都充斥晒好有目的性嘅嘢，可能真係要畀番啲難忘回憶佢哋。」區媽媽就覺得女兒大得太快，很希望女兒變回小朋友。

（↓點擊放大睇圖片↓）

此外，這集亦回顧譚玉瑛與黎芷珊昔日穿泳衣的片段，為大家帶來無比驚喜。譚玉瑛笑指當年答應監製擔任兒童節目主持時定下四大守則，「我唔會袒胸露臂，唔着泳衣，唔着短裙，唔着吊帶，跟住佢話ok，我就做主持。後來要拍呢個MV，監製就同導演講『你自己搞掂佢，佢答應就得，搞唔掂就冇啦』。其實我自己冇泳衣，仲記得係問阿嫂借。（當時覺得尷尬？）都尷尬，唔知幾時先除T恤去拍。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】