中獎爭議︳擲彩虹跌在黃圈被指踩界 港媽投訴：經理堅持不中獎

假日不少家長都會帶子女到室內遊樂場玩樂，然而一名港媽抱怨指，日前帶女兒在天水圍擲彩虹時，成功將硬幣投中黃圈中獎範圍，然而店舖副經理卻堅稱「踩界」不中獎，令事主深感不滿，稱會向客戶服務部投訴，且以後不會再光顧該分店。

同場加映：

Healthy Life︳壓力大抑鬱收埋自己凌晨企窗邊 研無麩質蛋糕自救助己助人

{{hket:ul-video id="4274"}}{{/hket:ul-video}}

飲食風波｜食100碟後公審牛角劣質牛扮A5，老闆千字文作4大反駁揭有心抹黑，詳情即睇：【下一頁】

一名港媽上周六（2日）在Facebook群組「真．屯門友」中發文，表示當日下午1時許，攜女兒到天水圍天盛商場一個室內遊樂場玩樂。事主附上照片指，兩母女玩擲彩虹時，將硬幣擲到黃圈「中獎」範圍，然而負責該遊戲的女副經理卻表示不當中獎，

「本人同她理論數分鐘，仍堅持回應『不中獎』，話佢睇嘅直線係踩黑色界。」

副經理堅稱「踩界」不當中獎

事主不接受該副經理解釋，跟對方爭論約10分鐘，並拍下照片以證明自己中獎，惟對方堅稱硬幣踩界，卻未有展示閉路電視畫面，

「當時佢叫我入去！堅持話冚黑線唔中！最後我自己拍照！因為我唔同意佢嘅回應！爭議了Almost 10 mins（約10分鐘），Still the same（結果相同），因為佢嘅理論就是踩界。嗰位副經理硬話唔中獎，已經拍了照片及理論到口水乾都話唔中！可以點？」

↓ 點 擊 圖 片 放 大 ↓

事主批評該副經理的解釋是「欺騙人的歪理」，直言本身只是想花錢讓女兒玩遊戲開心一下，結來換來一肚子怒氣，

「阿女咁難投中，都話唔中獎，實在抱不平及被欺騙嘅感覺。咩黃獎咁巴閉？我都唔多知道，人哋話似只是100票之類，但條氣唔順，似被欺騙咁。咁都唔中，點先至叫中？點玩呀？」

稱發電郵投訴不再幫襯

她表示事後未有留下電話號碼，但稱會發電郵到客戶服務部投訴，亦不會再到該分店玩遊戲，形容當是「上了一課」，

「感覺似同佢乞佢100張票咁！簡直黐線。佢似在幫公司倒米，因為以後唔會再光顧此分店。Even（即使）中最大藍獎只是普通一個公仔，屋企都大把！佢自己玩飽佢，以後唔再去此店，點夠佢玩呢？」

網民：咁做生意即係欺騙

不少網民看到帖文後，指憑事主上載的照片判斷，硬幣並沒有碰到黑線，認為她和女兒確實中獎，亦有人認為小朋友玩遊戲志在開心，該副經理不懂做生意，揶揄她「一個公仔都要慳」。

↓ 點 擊 圖 片 放 大 ↓

食用安全｜北角茶餐廳外賣沙嗲牛麵插住飛毛腿，食客投訴有曱甴腳反被斥「口同鼻拗」，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀