東張西望│馬鞍山公屋單位傳惡臭曱甴通屋走 林希靈勇闖採訪：要頂硬上

《東張西望》不時報道社會事件，近日一連兩集採訪位於馬鞍山欣安邨欣喜樓的一個單位，那裡頻頻傳出嚴重惡臭，加上衛生環境欠佳，單位成為曱甴的溫床之處。無論是單位入面的衣櫃、大床、雪櫃、地面、門框，還是門外的走廊，都見到滿是曱甴走來走去，曱甴屍橫遍地，而周圍都是曱甴屎和曱甴蛋，令附近的鄰居苦不堪言。惡劣的情況持續三年，鄰居曾先後向房署和區議員求助，可惜仍然未能解決。

同場加映：【娛樂直擊】Anson Lo做唱跳歌手曾不被看好 舞蹈員出身將心比己恩待手足

{{hket:ul-video id="4284"}}{{/hket:ul-video}}

《東張西望》主持大膽追訪白田邨露械老伯 林希靈細細粒原來係運動健將？【下一頁】

{{hket:inline-image name="TUNG1.jpg"}}{{/hket:inline-image}}

{{hket:inline-image name="TUNG6.jpg"}}{{/hket:inline-image}}

{{hket:inline-image name="TUNG2.jpg"}}{{/hket:inline-image}}

{{hket:inline-image name="TUNG3.jpg"}}{{/hket:inline-image}}

{{hket:inline-image name="TUNG4.jpg"}}{{/hket:inline-image}}

《東張》外景主持林希靈訪問鄰居了解情況，最後決定勇闖惡臭該單位了解情況，雖然她戴上口罩，仍然聞到有臭味，而該單位的戶主鍾先生大方讓林希靈和攝製隊進入屋內拍攝。鍾先生由於健康問題，右腳截肢保命，而腰間亦掛住普通膠袋裝住身體的排洩物。由於膠袋不是貼身，令排洩物不時會溢出，影響住處的衛生環境，傳出惡臭。

採訪過程中，鍾生稱自己以前是警察，曾經在葉繼歡案出現在案發現場，講到眉飛色舞，又表示自己有個孖生弟弟，兩兄弟是連體嬰，頭貼頭連在一起，要接受手術分割，而弟弟最終未能救回喪生。由於求助無門，節目與義工團隊為鍾生解決住屋環境的問題，找來滅蟲專家為單位清潔和滅蟲。從攝影師的鏡頭所見，單位內的曱甴無處不在，林希靈一拉開櫃桶，就有廿多隻曱甴湧出來，場面實在好恐怖，令人打冷震。

《東張西望》主持｜林希靈賣蘿蔔糕又賣月餅為自肥 同男友陳安立一杯雪糕泯「恩仇」【下一頁】

林希靈接受《晴報》電話訪問，她表示：「其實我本身係超驚曱甴！一開始冇諗過咁嚴重，去到門口嘅時候淨係覺得有非常濃烈嘅臭味。但係到鍾生一開門，我哋成個團隊發現唔對路，因為一開門就已經有成10幾隻曱甴衝出嚟！我同自己講嚟到門口，一定要頂硬上！基本上一路做訪問要一路遞起隻腳，因為起碼有二三百隻曱甴瘋狂地跑來跑去！」她表示鍾生的生活環境真的很差，床上滿是曱甴，連訪問期間都有不少曱甴在鍾生身上行來行去，「其實真係好心噏，製作團隊好好，用一星期搵齊義工、護士同滅蟲專家幫手，當日一齊落手落腳清潔咗6個鐘頭，成個團隊都好勁，真心佩服大家！」

{{hket:inline-image name="TUNG19.jpg"}}{{/hket:inline-image}}

{{hket:inline-image name="TUNG20.jpg"}}{{/hket:inline-image}}

她續言：「清潔嘅過程其實都好痛苦，因為我本身驚曱甴，間屋係每一個位置都有好多好多曱甴同曱甴蛋。最深刻係幫手清潔櫃桶時，每拉開一格都起碼有成二三十隻曱甴跑出嚟，好唔真實。我哋完成清潔之後，都即刻用酒精全身消毒。同埋嗰陣味真係好勁，立即返屋企洗衫沖涼，始終屋內真係好多曱甴同曱甴蛋，好擔心會帶咗番屋企。不過今次做完之後，我諗我真係變咗曱甴專家，而家對曱甴糞便真係好熟悉，早幾日去朋友屋企見到有曱甴屎，即刻同個朋友一齊左搵右搵，然後我哋真係喺啲曱甴屎附近生擒到隻大曱甴，只能講佢哋啲屎我而家一眼就認得出！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉